Kigali

Amafoto 10 yo mu bihe bitandukanye yaranze Siporo mu 2020

Yanditswe na: ISHIMWE Olivier Ba
Taliki:22/12/2020 5:36
0

Umwaka wa 2020 waranzwe n’ibikorwa bitandukanye ku isi ya siporo ariko twavuga ko atari byinshi tugendeye ku byari byitezwe bitabashije kubaho kubera icyorezo cya Coronavirus. Uru ni urutonde rw’amafoto 10 yagiye hanze mu 2020 akibutsa abantu byinshi, ndetse akanakuraho urujijo rutandukanye ariko akaba yarasohotse mu bihe bitandukanye.



Ni amafoto menshi twashyira kuri uru rutonde ariko InyaRwanda.com twahisemo amafoto 10 ari nayo tugiye kubasangiza.

Ku mwanya wa 10


Turahasanga ifoto y'umukinnyi w'ikipe y'igihugu Amavubi y'abatarengeje imyaka 17 witwa Jimmy Gatete.

Iyi foto y'uyu musore yagiye hanze ubwo hategurwaga imikino y'igikombe cya CECAFA y'abatarengeje imyaka 17 iri kubera mu Rwanda. Ubwo hasohokaga urutonde rw'abakinnyi bazakina iyi mikino abenshi bumvise izina Jimmy Gatete byatumye bifuza kumenya uyu mwana ufite izina ry'amateka kuko hari n'abumvaga ashobora kuba ari umwana wa rutahizamu w'abanyarwanda Jimmy Gatete. Uyu mwana ukomoka mu Karere ka Nyagatare mu murenge wa Rwimiyaga bivugwa ko se yamubyaye avuye kureba umukino w'u Rwanda n'abagande byatumye amwitirira rutahizamu Jimmy Gatete kubera amateka yari amaze gukora.

Ku mwanya 9


Ifoto iza ku mwanya wa cyenda ni ifoto ya Perezida wa Gasogi United yagaragaye atera umupira ibintu byatunguye benshi kubera uko uyu muyobozi yisanisha n'ibyo akora. Ubwo ikipe ya Gasogi united yari mu karere ka Bugesera, umuyobozi wayo yagaragaye mu ifoto ndetse n’amashusho atera penariti kandi n'imbaraga nyinshi byatunguye benshi kubera uko uyu muyobozi yisanisha n'ibyo akora dore ko usibye kugaragara akina umupira, ari n'umunyamakuru w'Igitangazamakuru ayobora.

Ku mwanya wa 8


Turahasanga ifoto ya Rayon Sports yagaragaye mu mpuzankano zidasa. Ikipe ya Rayon Sports yaranzwe n’ibihe bigoye byatumye inatangira umwaka w’imikino isa nk'aho ititeguye dore ko umukino wa gishuti bahuyemo na As Muhanga iyi kipe yambara ubururu n’umweru yinjiye mu kinuga yambaye amasogisi adasa, ifoto yateye benshi kwibaza kuri uru rugendo iyi kipe igiye gutangira hagaragara ibibazo mu ikipe.

Ku mwanya wa 7


Ifoto iza ku mwanya wa karindwi ni ifoto y'umukinnyi Hakizimana Muhadjiri asinyira  ikipe ya As Kigali bitunguranye. Hakizinama Muhadjiri yari yarageze mu Rwanda ariko afite amakipe menshi amwifuza ndetse harimo n'ikipe ya Rayon Sports.

Gusa mbere ya byose hari amakuru yavugaga ko uwari umuyobozi wa Rayon Sports Munyakazi Sadate yari yarahaye amafaranga y'ibanze uyu mukinnyi wari uvuye mu bihugu by'abarabu, gusa amerwe ku bakunzi ba Rayon Sports yasubijwe mu isaho n'iyi foto yahise yerekana ko Muhadjiri abaye umukinnyi wa As Kigali 

Ku mwanya wa 6


Ifoto iza ku mwanya wa gatandatu ni ifoto ya Tuyisenge Jacques asinyira ikipe ya APR FC. Abakunzi b'ikipe ya APR FC bari bamaze igihe bategereje rutahizamu ukomeye ndetse ushobora kuzabafasha mu mikino nyafurika dore ko ndetse n'ubuyobozi bw'ikipe bwari bwiyemeje gukora ibishoboka byose iyi kipe ikagera kure. Mu minsi yabanjirije iyi foto, inkuru zaracicikanaga ko hagati ya Tuyisenge na Meddie Kagere umwe ashobora gusinyira iyi kipe ndetse byanagenda neza aba bakinnyi bakaba bazana muri iyi kipe yambara umweru n'umukara. Ubwo iyi foto yajyaga hanze yahise itanga amakuru ndetse inakura urujijo ku makuru yari ahari.

Ku mwanya wa 5


Ifoto iza ku mwanya wa Gatanu ni ifoto y'umutoza wa Rayon Sports Guy Bukasa ubwo yavaga mu ikipe ya Gasogi United yerekeza muri Rayon Sports. Iyi foto yasohotse ku mugoroba igaragaza Guy Bukasa asinyira Rayon Sports mu gihe yari avuye mu kiganiro n'itangazamakuru cyagombaga gushimangira ko uyu mutoza akiri mu biganza bya Gasogi United.

Ku mwanya wa 4


Ifoto y'abanyamakuru bagombaga gutangira ikiganiro Urukiko kiba kuri Radio10 ku va Saa 10:00 Am- 13:00 PM. Ubwo abanyamakuru bakoreraga RadioTV10 bari bamaze gutandukana n'iyi Radio, bakerekeza kuri B&B FM Umwezi, RadioTV10 yafashe umwanzuro wo kongera imbaraga mu kiganiro cyabo cy'imikino byatumye bazana abanyamakuru bashya nka Sam Karenzi, Kazungu Clever ndetse n'abandi banyamakuru bakoraga kuri City Radio.

Ubwo ifoto y'aba banyamakuru yajyaga hanze abantu benshi bayisamiye hejuru kuko bibazaga abasimbura abanyamakuri bakora ikiganiro cya Siporo kandi muri iyo minsi haravugwaga abanyamakuru batandukanye. Gusa nyuma gato umwe mu banyamakuru bari kuri iyi foto, Muramira Regis ntabwo yakomezanyije n'ibyifuzo bya benshi kuko byarangiye yihitiyemo kuguma kuri City Radio.

Ku mwanya wa 3


Ifoto y'abanyamakuru bakoraga kuri RadioTV10 bimukiye ku gitangazamakuru gishya cya B&B FM

Aba banyamakuru basaga 7 barimo David Bayingana, Jado Castar, Jean Luc Imfurayacu, n'abandi bari bamaze iminsi amajwi yabo atumvikana ariko byitezwe ko bazaza mu isura nshya, ibi byatumye ubwo ifoto yajyaga hanze yarakwiriye ahantu henshi ndetse inakuraho urujijo ku makuru yavugwaga mbere y'uko iyo foto ijya hanze.

Ku mwanya wa 2


Ifoto iza ku mwanya wa kaburi ni iya Minisitiri wa Siporo Madamu Munyengaju Aurore Mimosa ubwo hasubukurwaga Car Free Day, iyi foto ikaba yaragaragaye nyuma y'igihe kigera ku mezi 6 cyari gishize nta gikorwa cya Siporo kibera imbere mu gihugu cy'u Rwanda kubera icyorezo cya Coronavirus.

Ku mwanya wa 1


Ifoto iza ku mwanya wa mbere ni ifoto ya Perezida wa Repubulika, Nyakubahwa Paul Kagame ubwo yari mu nyubako y'imyidagaduro izwi nka Kigali Arena. Hari hashize n'igihe kinini atagaragara ku bibuga kubera icyorezo cya Coronavirus cyari cyarahagaritse imikino. Perezida Paul Kagame akunze kwitabira imikino itandukanye muri rusange ariko muri ibi bihe akunze kugaragara cyane ku mikino ya Basketball.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND