RFL
Kigali

Hashobora kubaho gutungurana ku mukinnyi w'umwaka ku isi mu bihembo bya FIFA

Yanditswe na: ISHIMWE Olivier Ba
Taliki:17/12/2020 16:14
2


Mu gihugu cy'u Butariyani kuri uyu wa kane harabera umuhango wo kwerekana umukinnyi n'umutoza beza b'umwaka gusa hitezwe gutungurana ku umukinnyi mwiza w'umwaka.



Ni umuhango biteganyijwe ko ubera mu mujyi wa Milan n'ubwo byagiye bivugwa ko ushobora gusubikwa kubera icyorezo cya Covid-19 ariko birangiye ubayeho.

Cristiano Ronaldo, Lionel Messi, Robert Lewandowski ni bo baribuze gutorwamo n'ishyirahamwe ry'umupira w'amaguru ku isi FIFA umukinnyi mwiza w'umwaka w'imikino 2019/2020.

Robert Lewandowski yatsinze ibitego 55 harimo ibitego 34 yatsinze muri Bundesliga, ibitego 15 yatsinze muri Champions  league, ndetse n'ibitego 6 yatsinze mu gikombe cy'igihugu. 

Cristiano Ronaldo yatsinze ibitego 37 mu marushanwa yose yakinnye, mu gihe uwo bahora bahanganye Lionel Messi yatsinze ibitego 25 muri shampiyona ya Espagne, anatsinda ibitego 5 muri Champions League na Copa Del Ray.

Ugendeye kuri ibi, aba bakinnyi bose uko ari 3 babarwa nka barutahizamu bivuze ko inshingano zabo zari gushaka ibitego. Lewandowski ufite ibitego byinshi muri aba, yanahesheje ikipe ya Bayern Munch igikombe cya Champions League cya 2019/2020, twavuga ko iyi mibare imwemerera gutwara iki gihembo gitangwa na FIFA.

Ku ruhande rw'abatoza haratorwa umutoza w'umwaka mu bahanganye batatu barimo Jurgen Klopp, Hansi Flick, ndetse na Marcelo Bielsa. Muri uyu muhango kandi haraza kwibuka nyakwigendera Diego Maradona na Paolo Rossi bose bitabye Imana muri uyu mwaka.






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • byayesu benon3 years ago
    bagihe robert niwe ugikwiriye cyane arabarushya byose
  • Mivuba3 years ago
    Messi arabikora





Inyarwanda BACKGROUND