Umunya-Honduras ukina mu busatirizi bw'ikipe ya Club Deportivo Olimpia y'iwabo, Jerry Bengtson, yatunguye benshi ubwo yakinaga yambaye agapfukamunwa ku mukino batsinzwe na Montreal Impact 1-0, mu irushanwa rihuza amakipe yabaye aya mbere iwayo muri Amerika y'Amajyaruguru.
Mu rwego rwo kwirinda aho yahurira n'icyorezo cya Coronavirus, rutahizamu w'umunya-Honduras akaba na kapiteni w'ikipe ya Olimpia, Jerry Bengtson w'imyaka 33 y'amavuko yakinnye umukino wa Montreal Impact itozwa na Thierry Henry, yambaye agapfukamunwa.
Impuzamashyirahamwe y'umupira w'amaguru muri Amerika y'Amajyaruguru, yanzuye ko irushanwa Concacaf Champions League, rigomba kubera mu mujyi wa Orlando muri Leta zunze ubumwe za Amerika, mu rwego rwo kwirinda ingendo za hato na hato zishobora gukurura icyorezo cya coronavirus.
Mu mukino utari woroshye, Montreal Impact itozwa na Thierry Henry, yasezerewe mu irushanwa muri 1/4, nubwo yari yatsinze igitego 1-0, gusa ikaba yari yaratsinzwe ibitego 2 -1, mu mukino ubanza, ihita isezererwa.
Muri uyu mukino hagaragaye agashya, ubwo rutahizamu wa Olimpia, Jerry Bengtson, yakinaga yambaye agapfukamunwa kugira ngo atagira aho ahurira n'icyorezo cya Coronavirus.
Uyu mukinnyi ngo ntabwo ari ubwa mbere akinnye yambaye agapfukamunwa kuko kuva Coronavirus yagaragara, n'imikino ya shampiyona iwabo ayikina akambaye mu rwego rwo kwirinda ubwe ndetse akarinda n'umuryango we aho ariho hose wahurira n'iki cyorezo.
abanyabuzima bari bategetse ko atari ngombwa ko umukinnyi akina yambaye agapfukamunwa, ariko Jerry ahitamo gukina akambaye kugira ngo yizere ko ntaho yahurira n'iki cyorezo.
Dr Rowland Kao wo mu ishami ry'ubuvuzi muri Kaminuza ya Edinburgh, yabwiye the Guardian ko agapfukamunwa katakurinda wowe ubwawe, ahubwo karinda abandi.
Tariki ya 05 Mutarama 2020, ikipe ya Olimpia izakina L.D.Alajuelense muri 1/2 cya Concacaf Champions League.
Jerry yahisemo gukina yambaye agapfukamunwa ngo atanduzwa Coronavirus
Jerry imikino yose ayikina yambaye agapfukamunwa
Eng
RSS 
TANGA IGITECYEREZO