RFL
Kigali

Arimo gishegesha ntavura! Yackin wari ugiye gukora ubukwe na Gisa Cy’Inganzo yatunguwe no kumva ko bwapfuye habura iminsi ibarirwa ku ntoki

Yanditswe na: David Mayira
Taliki:15/12/2020 16:48
0

Ni nyuma y'aho abantu bari biteguye ubukwe bw’umuhanzi Gisa cy’Inganzo n’umukunzi we Barindisezerano Yackin bwari buteganijwe Tariki 1 Mutarama 2021. Ariko amakuru ari kuvugwa ni uko ubukwe butakibaye.



Ku mbuga nkoranyambaga hari gukwirakwira inkuru ya Gisa Cy’Inganzo wihakanye ubukwe bwe, mu gihe bwari mu myiteguro dore ko haburaga iminsi 16 ngo bube. Gisa cy’Inganzo akigera hanze ya Gereza yari amazemo umwaka, yahise atungurana yerekana umukunzi we bitegura kubana akaramata bamwe batangira kuvuza impundu no gushyigikira uyu muhanzi wakunzwe kuvugwaho gukoresha ibiyobyabwenge ndetse akaba yaranafunzwe ari byo akurikiranyweho.

Ubukwe bwa Gisa Cy'Inganzo ntibukibaye - hose.rw

Gisa Cy'Inganzo yaba atagikoze ubukwe na Yackin ?

Inkuru y’isubikwa ry’ubukwe ,byavugwaga ko ahanini Gisa atishimiye imico y’uyu mukobwa bakundana bityo akumva atamubera umugore. InyaRwanda yashatse kumenya ukuri na nyirabayazana y'isubikwa ry’ubu bukwe, niko kuvugisha impande zombi. Gisa Cy’inganzo aganira n’umunyamakuru, yavuze ko nta byinshi yabivugaho, akemeza ko ari nkuru mpamo, ati: “Iby’ubukwe ni byo ariko ubu nta byinshi nshaka kuvugaho tuzavugana byinshi nyuma”.

Ubukwe bwa Gisa cy'Inganzo bwarapfubye - IGIHE.com

Barindisezerano Yackin wari witeguye kubana na Gisa Cy'Inganzo

Ku ruhande rw’umukunzi we, Barindisezerano Yackin wari witeguye ubukwe, yerekanye ko yatunguwe n’ibyo yabonye yewe n’ibyo yumvise ku bukwe bwe butakibaye. Mu magambo ye yagize ati: “Njyewe inkuru nanjye nazumvise gutyo ndatungurwa, uko wabyumvise nanjye ni ko nabyumvise"

Yakomeje ati "Nahamagawe babimbwira, gusa sindaganira nawe (Gisa) ngo abimbwire, gusa hari ababibonye yabipositinze we ubwe ubwo barampamagara, urumva ko byerekana ko ari byo nima yabitangaje. Sinabihakana cyangwa ngo mbyemeze neza ubwo azabimbwira ntituraganira”.

Twavuga ko ”Arimo gishegesha ntavura”, twakoresheje uyu mugani, kuko ahanini bawuca iyo babonye ikintu runaka kitakibaye bitewe n’impamvu runaka zabyitambitsemo.

Ubukwe bwa Gisa Cy'Inganzo ntibukibaye - hose.rw

Ubukwe bw'aba bombi bwaburaga iminsi mike ntibukibaye






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND