Kigali

Darnella Frazier wafashe amashusho ubwo George Floyd yicwaga n'umupolisi yahawe igihembo

Yanditswe na: Nadia Kangabe
Taliki:10/12/2020 10:58
1

Umwana w’umukobwa w’imyaka 17 witwa Darnella Frazier yahawe igihembo ku bw’ubutwari yagize agafata amashusho yerekana akarengane nyakwigendera George Floyd yahuye nako.



Mu ijoro ryakeye ni bwo uyu mwana ukiri muto Darnelle Frazier yahawe igihembo cyimushimira igikorwa cy’ubutwari yakoze, akaba yagihawe n’umuryango uharanira amahoro witwa Pen America. Iki gihembo ni cyo bise Pen Courage Award.

Umuyobozi mukuru w'uyu muryango witwa Suzanne Nossel ubwo yashyikirizaga uyu mukobwa igihembo yagize ati ”Nta kindi kintu akoresheje uretse telefone ye Darnella yabashije guhindura amateka muri iki gihugu cyugarijwe n’ironda ruhu.yatumye isi yose ibona ibyabaye kuri George Floyd ndetse yerekanye n’ububi bwa police”.

Yakomeje agira ati ”Kubera amashusho wafashe wahinduye byinshi watumye imiryango irengera inyungu za muntu ihaguruka irwanya polisi by'umwihariko iyo ataba wowe ntawari kuzamenya ibyabaye kuri George Floyd ndetse ngo anashakirwe ubutabera, warakoze cyane”.

George Floyd wishwe n'umupolisi w'umunyamerika

Darnella Frazier wakiriye igihembo ari kurira n’ikiniga cyinshi yagize ati ”Sinigeze na rimwe ntekereza ko ku myaka 17 nzahabwa igikombe nk'iki giturutse ku gikorwa cy'ibi polisi yakoze cyatumye umwirabura ahasiga ubuzima mu buryo bubi cyane. Nkomeje gushimira imiryango itandukanye ikomeje gukorera ubuvugizi ku muryango wa George Floyd”.

Amwe mu mashusho Darnella yafashe yerekana umupolisi atsikamiye George Floyd

Iki gikorwa cy’ubutwari Darnella Frazier akaba yaragikoze ku itari 25/05 uyu mwaka, ubwo yari ari mu iduka ahaha ari kumwe na mubyara we ni bwo yabonye umugabo ari we George Floyd aryamye hasi umupolisi witwa Derek Chauvin amunigicije ivi rye, yumva kandi George arimo ataka ati "Sindi guhumeka”, nuko nawe afata telephone ye afata ayo mashusho yerekana ihohoterwa George Floyd yakorewe.

Src: The Daily Mail,The Independent Uk.





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Kwizera j damasceni1 month ago
    Abantu Bose bakwiye kuberamaso abandi mugihe haricyo wavinye


Inyarwanda Art Studio

Inyarwanda Art studio
Inyarwanda BACKGROUND