Mu mikino ya nyuma y'amatsinda yagombaga kwerekana ikipe zikomeza mu mikino ya 1/8, Manchester United yananiwe gukomeza, Cristiano Ronaldo atsinda ibitego 13 mu mikino 13 aheruka gukinira kuri stade ya FC Barcelona.
Manchester
United yatsinzwe na Leipzig ibitego 3-2 ihita inasezererwa mu mikino ya Champions League kuko yarushijwe amanota na Leipzig yahise igira amanota 12, PSG
iba iya kabiri n'amanota 10.
Manchester United yabonye ibitego 2 mu minota ya nyuma ariko ntibyari bihagije
Umukino wa Paris Saint Germain na Istanbul Basaksehir wasubitswe (wimurirwa kuri uyu wa Gatatu) nyuma y'uko ugaragayemo irondaruhu. RB Leipzig yatsindiwe na Angelino, Amadou Haidara, ndetse Justin Kluivert mu gihe Bruno Fernandes na Paul Pogba aribo batsindiye ikipe ya Manchester United.
Mu
rindi tsinda rya 7 Barcelona yari yakiriye ikipe ya Juventus, Cristiano Ronaldo
yongera kugaruka ku kibuga cya FC Barcelona anahatsindira ibitego 2 mu bitego 3
ikipe ya Barcelona yatsinzwe.
CR7 yongeye kwerekana ko akirimo
Amakipe
amaze kubona itike ya 1/8 cya Champions League ni: Bayern Munch, Manchester City, Porto,
Liverpool, Chelsea, Sevilla, Dortmund, Lazio, Juventus, Barcelona, RB Leipzig
ndetse na PSG. Tariki 14 Ukuboza ni bwo hazaba tombora y'uko amakipe azahura mu
mikino ya 1/8 cy'irangiza.
Juventus ibaye ikipe ya mbere yo mu Butariyani itsindiye ibitego 3 kwa Barcelona muri Champions League
Eng
RSS 
TANGA IGITECYEREZO