Kigali

Rayon Sports yashyizwe mu kato nyuma y'uko abakinnyi bane basanzwemo COVID-19

Yanditswe na: SAFARI Garcon
Taliki:5/12/2020 9:27
0

Nyuma y'umukino wa mbere shampiyona y'u Rwanda yari imaze kunganya na Rutsiro FC 1-1 kuri uyu wa Gatanu tariki ya 04 Ukuboza 2020, ikipe yose ya Rayon Sports yashyizwe mu kato nyuma y'uko abakinnyi bayo bane basanzwemo Coronavirus.



Mu rugendo ruva mu karere ka Rubavu ahabereye uyu mukino rugaruka i Kigali, Rayon Sports yaherekejwe n'inzego zishinzwe umutekano zari zamaze kumenya aya makuru, ikipe yose ihita ijya mu kato nk'uko amakuru INYARWANDA ifite abihamya.

Umukino amakipe yombi yaguye miswi 1-1 igice cya mbere kikirangira, hamenyekanye amakuru mashya ko abakinnyi bane ba Rayon Sports basanzwemo COVID-19 barimo batatu bakinnye umukino wa Rutsiro FC, ariko abari bahagarariye FERWAFA bananirwa gufata umwanzuro wo guhagarika umukino barawureka urakinwa urarangira.

Rayon Sports yahise ijya mu kato aho isanzwe ikorera umwiherero mu Nzove, aho biteganyijwe ko bongera gupimwa kuri uyu wa Gatandatu hakarebwa uko abakinnyi bahagaze.

Iyi kipe ikundwa na benshi mu Rwanda ibaye ikipe ya kabiri igaragayemo COVID-19, nyuma y'Amagaju abakinnyi bayo 11 basanzwemo iki cyorezo binayaviramo kudakina imikino ya kamarampaka yo gushaka itike yo kujya mu cyiciro cya mbere.

Rayon Sports yaguye miswi na Rutsiro FC 1-1 ku munsi wa mbere wa shampiyona

Rayon Sports yose yashyizwe mu kato





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND