RFL
Kigali

Bruce Melodie udateganya kumurika album ari gutegura igitaramo gikomeye-VIDEO

Yanditswe na: Janvier Iyamuremye
Taliki:3/12/2020 13:31
0


Umuhanzi Itahiwacu Bruce Melodie yatangaje ko atakora igitaramo cyo kumurika Album kuko atari ikintu gikomeye cyo kwishimira, ahubwo ko muri we ahora atekereza gukora igitaramo cyagutse cyo kwizihiza imyaka 10 azaba amaze mu muziki.



Imyaka umunani irashize, umuhanzi Bruce Melodie akora umuziki. Muri iyi myaka yasohoye indirimbo zakunzwe mu buryo bukomeye, zimwe na zimwe zabaye idarapo ry’umuziki we mu myaka itandukanye, izindi zimuhesha ibikombe.

Mu kabati ke abitsemo ibikombe birimo ibya Salax Music Awards, Primus Guma Guma Super Stars, TV10, Hip Hop Music Awards Uganda, Kiss Summer Awards n’ibindi byinshi bigaragaza ko ari umuhanzi ukomeye.

Indirimbo amaze gusohora mu gihe amaze mu muziki zigize Album zirenga eshatu, bitewe n’’izo wakubira kuri Album imwe. Ntiyigeze agaragara mu bitaramo bye bwite, ahubwo yumvikanye kenshi aririmba mu bitaramo yabaga yatumiwemo n’ibirori bikomeye.

Mu kiganiro yagiranye na INYARWANDA, umuhanzi Bruce Melodie yavuze ko kumurika Album atari ikintu ashyize imbere, kuko hari ibindi bitaramo yumva muri we ashaka gukora bifite ikindi kintu bishingiyeho.

Yavuze ko nk’umuhanzi afite Album z’indirimbo ze ariko ko atari ibintu byo guhuriza hamwe abantu ngo ayibamurikire nk’uko abandi bahanzi babikora. Abigereranya no gufata amafunguro ya nijoro hanyuma ukishimira ko wariye.

We avuga ko kugira Album ari ibintu bisanzwe ‘kuko ni umuhanzi’. Ikirenze kuri ibyo ngo hari ibindi bikorwa bishamikiye ku muziki yakora ‘bigatwika’ kurusha gutumira abahanzi bagenzi be ngo bamufashe kumurika Album.

Bruce Melodie yavuze ko muri we ahorana inyota yo gukora igitaramo cyo kuzizihiza imyaka 10 azaba amaze mu muziki. Ati “Ndashaka gukora igitaramo cyo kwizihiza imyaka 10 nzaba maze mu muziki. Ariko n’icyo gitaramo mu mutima wanjye mpora ntekerezaho. Ibindi ni ibisanzwe. Nzakora ibitaramo byanjye bisanzwe byo hanze y’u Rwanda, ibyo mu Rwanda.

Uyu muhanzi uherutse gusohora amashusho y’indirimbo yise ‘Abu Dhabi’ yanavuze ko muri uyu mwaka yiteguraga gukora igitaramo cye bwite, ariko akomwa mu nkokora n’icyorezo cya Covid-19 kibasiye Isi muri iki gihe.

Bruce Melodie avuga ko ntawe ukwiye kumutera amabuye, kuko atumvise kimwe nawe ku mwanzuro yafashe wo kudakora igitaramo cyo kumurika Album ye, kuko ngo buri wese agira amahitamo ye n’uko atwara ibintu bye.


Umuhanzi Bruce Melodie yatangaje ko kugira Album atari ibintu umuhanzi yakwishimira, ngo ahuruze isoko n'amaduka

Bruce Melodie yatangaje ko muri we ahora ategura uko azihiza imyaka 10 azaba amaze mu muziki

KANDA HANO: BRUCE MELODIE YAVUZE KO ATITEGUYE GUKORA IGITARAMO CYO KUMURIKA ALBUM

">








TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND