RFL
Kigali

Umugore wa mbere agiye gusifura umukino wa UEFA Champions League

Yanditswe na: ISHIMWE Olivier Ba
Taliki:1/12/2020 6:36
0


Stephanie Frappart agiye kuba umugore wa mbere usifuye umukino w'irushanwa ry'amakipe yatwaye ibikombe iwayo ku mugabane w'i Burayi Champions League.



Umukino uzahuza ikipe ya Juventus na Dynamo Kiev kuri uyu wa Gatatu, uzasifurwa n'umufaransakazi Stephanie Frappart, akazahita akora amateka yo kuba umugore wa mbere usifuye imikino ya UEFA Champions League.

Stephanie ubwo yasifuraga umukino wa Liverpool na Chalsea

Uyu mugore w'imyaka 36 n'ubundi ni we wari ufite agahigo ko kuyobora umukino ukomeye w'abagabo kuko ariwe wasifuye igikombe cy'amakipe kiruta ibindi mu 2019 ubwo Liverpool yakinaga na Chelsea. Frappart kandi yayoboye umukino wa nyuma w'igikombe cy'isi mu bagore mu 2019 ubwo Amerika yahuraga n'Abahorandi.

Stephanie uri hagati akomeje guca uduhigo dutandukanye mu basifuzi b'abagore 

Utundi duhugo uyu musifuzi w'umugore afite, harimo kuba ariwe mugore wa mbere wasifuye umukino muri Shampiyona y'u Bufaransa mu bagabo ubwo ikipe ya Amiens yakinaga na Strasbourg muri Mata umwaka ushize, ndetse anasifura umukino we wa mbere wa Europa League mu Ukwakira 2020 Leicester City yakira Zorya Luhansk.

Amateka agaragaza ko umugore wa mbere wasifuye umukino w'abagabo ari Nicole Petignat, wasifuye imikino 3 yo gushaka itike ya UEFA Cup, kandi nayo yayisifuye hagati mu myaka ya 2004 kugeza 2009.


Stephanie yanditse amateka ku Isi 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND