Kigali

Igitego cya Cavani gihesheje amanota 3 Manchester United yari yabanjwe ibitego 2

Yanditswe na: ISHIMWE Olivier Ba
Taliki:29/11/2020 19:25
0


Shampiyona y'u Bwongereza igeze ku munsi wayo wa 10, ikipe ya Manchester United ivuye inyuma itsinda ikipe ya Southampton ibitego 3-2 kandi Southampton ariyo yari yabanje ibitego 2.



Uyu mukino watangiye ikipe ya Southampton yiharira umupira byaje no gutuma itsinda ibitego 2 hakiri kare, kuko ku munota wa 23 ikipe ya Southampton yafunguye amazamu ku gitego cyatsinzwe na Bednarek maze Manchester United iheruka igikombe cya shampiyona mu 2013, itangira kurwana no kwishyura.

Icyizere cyaje kongera kuba gicye ubwo Southampton yatsindaga igitego cya 2 ku munota wa 33 gitsinzwe na Ward Prowse, maze igice cya mbere kirangira ari ibitego 2 bya Southampton ku busa bwa Manchester United.


Bruno Fernandez amaze gutsinda imikino 8 yikurikiranya Mancherster United yasuye.

Igice cya kabiri gitangiye, ikipe ya Manchester United yaje mu mukino ishaka kwishyura ku buryo wenda yacyura inota rimwe. Ku munota wa 59', Bruno Fernandes yaje gufungura amazamu atsinda igitego cya mbere cya Manchester United, Ednson Cavani winjiye mu kibuga ubwo igice cya kabiri cyari gitangiye atsindira Manchester United igitego cya 2 cyaje kuyigarura mu mukino. 


Cavani yari ataribona neza mu ikipe ariko uyu mugoroba ayibereye umucunguzi

Umukino wongeweho iminota, 3 ku munota wa 92 Ednson Cavani yatsinze igitego cya 3 cyashenguye imitima y'abakunzi ba Southampton ikipe inatakaza amanota 3 iyareba. Uku gutsindwa gusize ikipe ya Southampton iri ku mwanya wa gatanu, mu gihe Manchester United yigiye imbere ku mwanya wa karindwi n'umukino w'ikirarane.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND