Kigali

Kenya: Bien Aime uri mu bagize itsinda Sauti Sol yanduye COVID-19

Yanditswe na: Neza valens Vava
Taliki:11/11/2020 11:53
0

Bien Aime umwe mu basore bagize itsinda Sauti Sol rihagaze bwuma mu karere ka Afrika y'Iburasirazuba , yanduye COVID-19 mu gihe biteguraga igitaramo muri Uganda.



Bien Aime mu gihe kitageze ku minsi 7 amaze kwivuza akoresheje asanga ibihumbi 71

Akoresheje imbuga nkoranyambaga yavuze ko yanduye iki cyorezo mu cyumweru gishize. Yagize ati “Mu minsi ibiri ishize, nari ndi mo imbere. Natangiye kumva nacitse intege”. Yakomeje avuga ko yakomerejwe cyane ari mu rugendo yerekeza muri Uganda mu gitaramo bari bahafite, mu gukoresha ibizamini bakamusangamo COVID-19.

Bien-Aime Alusa Baraza yasabye abakunzi be kwitwararika mu rwego rwo kwirinda iki cyorezo avuga ko gihari kandi gishobora kwandurwa n’uwo ariwe wese mu gihe hadakurikijwe ingamba.

Yibukije abantu ko iki cyorezo kukivuza bihenze ku bantu bose ariyo mpamvu abantu bakwiye kwirinda. Ati ”Kukivuza birahenze no kuri njye ni uko. Maze gukoresha asaga ibihumbi 8 by’amashiringi y’amanya- Kenya. Igihe cyose wakwandura wakwivuza menshi ni igihombo kandi ishobora no kuguhitana”.

Aya mafaranga amaze kwivuza uyashyize mu manyarwanda ni ibihumbi mirongo irindwi na kimwe na magana arindwi makumyabiri n’abiri (71.722 Frw). Kwandura iki cyorezo byahagaritse igitaramo iri tsinda Saut Sol ryo muri Kenya ryagombaga gukora muri Uganda, kuwa kabiri w’icyumweru gishize. 

Magingo aya muri Kenya harabarurwa abasaga ibihumbi mirongo itandatu na bitanu bamaze kwandura ( 65.588). Abamaze guhitwanwa n’iki cyorezo ni igihumbi n’ijana na mirongo itanu na bane (1.154), naho abakize n’ibihumbi mirongo ine na bitatu na mirongo icyenda na batanu (43. 095).


Bien Aime ubu ari mu kato aho ari gukurikiranwa n'abaganga 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND