RFL
Kigali

Abanduye Coronavirus ku isi bamaze kurenga miliyoni 40

Yanditswe na: Liliane Kaliza
Taliki:19/10/2020 18:25
0

Kuri uyu wa mbere byatangajwe ko ku isi hose abantu banduye coronavirus barenga miliyoni 40 kubera ko igihe cy'itumba cyatangiye mu gice cy'amajyaruguru cyongereye imbaraga mu gukwirakwiza iyi virus.



Ibarurishamibare rya Reuters rishingiye kuri raporo zemewe n’ibihugu bitandukanye, Impuguke zemeza ko umubare nyawo w’abanduye n’abishwe na coronavirus ushobora kuba munini cyane, urebye ibitagenda neza mu kwipimisha ndetse n’ibishobora gukorwa na raporo z’ibihugu bimwe na bimwe.

Amakuru yerekana ko umuvuduko w'icyorezo ukomeje kwiyongera aho Byatwaye gusa iminsi 32 kugirango abantu bave kuri miliyoni 30 ku isi yose bajye kuri miliyoni 40, Amerika, Ubuhinde, na Brezile bikomeje kuba ibihugu byibasiwe cyane ku isi.

Kugeza ubu Uburayi bufite 17% by’abantu banduye ku isi naho hafi 22% ni iby’impfu ziterwa na virusi ku isi. Ku wa gatandatu, umubare w’abahinde banduye coronavirus ugera kuri miliyoni 7.43, Irani, igihugu cyo mu burasirazuba bwo hagati cyibasiwe cyane na coronavirus, cyongereye ibihano no gufunga umurwa mukuru wa Tehran kugeza ku cyumweru cya gatatu kuko umubare w'abahitanwa na virus wiyongereye hejuru ya 30.000.

Kuva icyorezo cyatangira, abantu barenga miliyoni 1.1 bapfuye bazize COVID-19, aho abapfa ku isi bagera kuri 2.8% by'abanduye. Umwe mu bayobozi mu ishami ry’umuryango w’abibumbye ryita ku buzima OMS yavuze ko nihadashyirwaho izindi ngamba zikomeye, umubare w'abantu bapfa ku isi bazize coronavirus ushobora kwikuba kabiri ukagera kuri miliyoni 2 mbere yuko urukingo ruboneka.

Src: Reuters






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND