Daniel Wanjiru ukomoka muri Kenya, wegukanye irushanwa rya London Marathon mu 2017 yahagaritswe imyaka itatu atagaragara mu marushanwa ayo ariyo yose nyuma yo gusanga yarakoresheje imiti yongera imbaraga.
Muri Mata, Wanjiru yari yahagaritswe by'agateganyo mu gihe hari hagitegerejwe umwanzuro w'akanama kigaga kuri iki kibazo, kuko we yahakanaga ko nta miti yongera imbaraga yigeze akoresha ndetse akanasaba guhabwa ubutabera.
Urwego rushinze myitwarire muri Atletism ku Isi, Athletics Integrity Unit (AIU) rwemeje ko Wanjiru w'imyaka 28 y'amavuko ahagaritswe gira irushanwa na rimwe agaragaramo kugeza tariki ya 8 Ukuboza 2023.
Nyuma y'ibizamini byakozwe uru rwego rwasanze amaraso ya Wanjiru arimo imiti myinshi yongera imbaraga.
Wairu yapimwe inshuro 16 hagati y'umwaka wa 2017 na 2019, mu isuzuma rya 14 ryabaye tariki ya 9 Werurwe 2019, ryagaragaje umuvuduko uri hejuru w'amaraso mu tunyangingo twe.
Kikaba kimwe mu bimenyetso byagaragaje imihindagurikire y'uburyo amaraso atembera mu mubiri, bigaragaza ko afata iyi miti inshuro nyinshi.
Mu 2016, Wanjiru yegukanye irushanwa rya Amsterdam Marathon, ndetse anaswoza ku mwanya wa 8 n'uwa 11 muri London Marathon mu 2018 na 2019.
Daniel Wanjiru yahagaritswe imyaka itatu azira gukoresha imiti yongera imbaraga
Wanjiru yegukanye London Marathon mu 2017
Eng
RSS 
TANGA IGITECYEREZO