RFL
Kigali

Rubavu: NT ziyo na Washine bagarutse ku buzima bw’abanyamashyari mu ndirimbo yabo nshya bise 'Abasakuje' – VIDEO

Yanditswe na: Kwizera jean de Dieu
Taliki:14/10/2020 8:45
1

NT ziyo ni mwe mu bahanzi bari kwigaragaza neza muri Hip Hop mu karere ka Rubavu. Uyu musore wamenyekanye mu ndirimbo 'Umubwiriza mushya', kuri ubu yahuje imbaraga na Washine bakorana indirimbo bise ‘Abasakuje’ igaruka ku buzima bw’abanyamashyari, bagaragaza ko ntawahindura gahunda y’Imana ku bantu.



Washine ati ”Nsomera abasakuje (…..), Iyi si twese twayisanzemo kandi ntawe uzi ko izarangira,…batuze,…Nsomera abasakuje”. Muri iyi ndirimbo NT ziyo aza ashimangira ko umugambanyi ari nk’umwicanyi bityo ko badakwiye kujya barengera kugeza binjiye mu buzima bw’abandi. NT ziyo akomeza avuga amazina y’abantu yita abagambanyi abaragiza Imana.

Bamwe mu bumvise iyi ndirimbo batanze ibitekerezo bitandukanye bavuga ko iyi ndirimbo ifite aho ihuriye n’ukuri ku byabaye kuri aba basore gusa bo babitera utwatsi. NT ziyo aganira na InyaRwanda.com yatangaje ko ntaho iyi ndirimbo ihuriye n’ukuri kwababayeho, avuga ko bakoze iyi ndirimbo bashaka kubwira abantu kwita ku byabo bakareka guhanga amaso bagenzi babo babifuriza inabi.

Yagize ati ”Erega buri muntu wese aba afite inkuru ye ubwo rero kuba umuntu yakwifata akavuga mugenzi we ntekereza ko atari ibintu byiza, buri wese akwiriye kwirebaho aho gufata umwanya ku bya mugenzi wawe. Iyi ndirimbo ntabwo ivuga ibyatubayeho twe, ahubwo biba ku bandi kandi umuhanzi aririmba ibyo atekereza ko biriho”.

NTziyo na Washine ni bamwe mu basore badashidikanywa ho iyo bigeze mu myambarire mu karere ka Rubavu, dore ko bamwe badatinya kuvuga ko mu Rwanda bari mu bahanzi bambara bitangaje bakaberwa ariko ngo izina bafite rikaba rituma bitabonwa.

UMVA HANO 'ABASAKUJE' INDIRIMBO NA NTZiyo Ft WASHINE







TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Gad vocalist 1 month ago
    Iyaba burimuhanz yakagombye kubgiraho urugero ngahokwambara byo nitubitindaho pe bararenze


Inyarwanda Art Studio

Inyarwanda Art studio
Inyarwanda BACKGROUND