Dore uko umukinnyi wa Filime Scarlett Johansson yinjije Miliyoni 56 z'amadorali mu mwaka umwe

Scarlett Ingrid Johansson, ni umukinnyi wa Filime ukomoka muri Amerika, akaba kandi umukinnyi wa filime uhembwa amafaranga menshi ku isi. Yagaragaye inshuro nyinshi mu byamamare 100 bya mbere bihembwa menshi muri Filime ku rutonde rukorwa n’ikinyamakuru Forbes. Filime ze zinjije miliyari zisaga 14.3 z'amadorali ku isi yose, bituma aba umuntu wa cyenda mu kwinjiza amafaranga menshi muri 2019.

Scarlett Johansson yatowe inshuro 2 mu bihembo bya Oscars kubera kuba afite impano ihambaye. Scarlett Johansson yashimangiye ko ari umwe mu bakinnyi ba filime bashakishwa na Hollywood. Nk'uko Forbes yabitangaje, uyu mugore w’imyaka 35 y’amavuko yinjije miliyoni 56 z'amadolari y'Amerika mu mwaka wa 2019.

Ayo mafranga menshi, yaturutse ku ruhare yagize mu gukina muri Filime yasohotse uyu mwaka igakundwa n’abatari bake yise “Black Widow”, iyi filime kuba yarakinnyemo byamwinjirije nibura asaga miliyoni 15 z’Amadorali.

Scarlett Johansson kandi yari umukinnyi wa filime uhembwa menshi ku isi mu 2018, aho yinjije miliyoni 40.5 z'amadolari. Yinjije hafi miliyoni 100 mu myaka ibiri. Forbes yatangaje ko uyu mugore yabonye miliyoni 14 z'amadolari muri Filime “Endgame”, iyi filime ubusanzwe yinjije miliyari 2.8 z'amadolari. Carlett Johansson, nubwo ari umukinnyi wa Filime ni n’umuhanzikazi.