Umutoza ukomoka mu gihugu cy’ububiligi Sven Ludwig Vandenbroeck, wahoze atoza ikipe y’igihugu ya Zambia yagizwe umutoza mukuru w’ikipe ya Simba Sc yo muri Tanzania aho yasimbuye Patrick Aussems uherutse kwirukanwa, uyu mubiligi akaba yasabwe gutwara igikombe cya shampiyona muri uyu mwaka w’imikino.
Ku
mugoroba wo kuri uyu wa Gatatu nibwo Simba Sc yatangaje ko yamaze kumvikana na Sven
Ludwig Vandenbroeck akaba ariwe ugiye kuyibera umutoza asimbuye Patric Aussems
wirukanwe mu kwezi gushize azira kutumvikana n’ubuyobozi bwa Simba SC ndetse n’umusaruro
muke iyi kipe yabonye mu mikino nyafurika.
Simba
SC izwi ku izina rya Wekundu wa Msimbazi yatakarije icyizere umubiligi
wayitozaga Patrick Aussems nyuma yo kwitwara nabi ku mukino wa CAF Champions
league Simba SC yakinagamo na UD Songo yo muri Mozambique.
Simba
SC ibinyujije ku rukuta rwayo rwa Facebook yatangaje ko umubiligi Sven Ludwig
Vandenbroeck w’imyaka 40 ariwe mutoza mushya w’iyi kipe ikunzwe cyane muri Tanzania.
Ubutumwa
buragira buti” [Sven Ludwig] Vandenbroeck, umubiligi wahoze utoza ikipe y’igihugu
ya Zambia niwe mutoza mushya w’ikipe ifite igikombe cya shampiyona muri
Tanzania. Umutoza ukiri muto wegukanye igikombe cya Afurika ubwo yari umutoza w’ungirije
mu ikipe y’igihugu ya Cameroon mu mwaka wa 2017.”
“Ikipe
ifitiye icyizere Vandenbroeck, azadufasha kubona umusaruro mwiza kandi
ubuyobozi bwamwijeje kumuha ibishoboka byose mu mirimo mishya”.
Vandenbroeck
yatoje ikipe ya Niki Volos Football Club yo mu bugiriki mu mwaka wa 2014 ubwo
umutoza mukuru yagendaga, akaba yaratoje Chipolopolo Stars ya Zambia mu mwaka
wa 2018, akaba yarirukanwe ahamaze amezi umunani gusa ubwo yananirwaga guhesha
ikipe ya Zambia tike yo gukina imikino ya nyuma y’igikombe cya Afurika
cyabereye mu misiri muri 2019.
Nk’umukinnyi
Sven Ludwig Vandenbroeck yakiniye amakipe atandukanye arimo Mechelen, Roda JC,
De Graafschap, Akratitos, Lierse, Vise and Lov-Ham.
Mu
masezerano umutoza mushya wa Simba SC yahawe harimo gutwara igikombe cya shampiyona
muri uyu mwaka w’imikino.
Ludwig yabaye umutoza w'ungirije mu ikipe y'igihugu ya Cameroon yatwaye igikombe cya Afurika 2017
Ludwig agiye gutoza Simba SC ikunzwe cyane muri Tanzania
Kagere Meddie agiye gutozwa na Ludwig watwaye CAN 2017
TANGA IGITECYEREZO