APR FC yasubiranye inyuma Mukura VS,iyikandagirira muri Kigali Pelé Stadium-AMAFOTO

Gutsinda uyu mukino byatumye ikipe ya APR FC yongera gushimangira ko iri kugaruka mu bihe byiza, igira amanota 25, kandi iracyafite umukino w’ikirarane. Mukura yo gutsindwa uyu mukino byatumye iguma ku manota 17.

Uko umukino wagenze umunota ku munota;

Umukino urarangiye

90+1’ Tuyisenge Arsene ahaye umwanya nshimirimana Yunusu

89’ Koruneli itewe na Mugisha Gilbert igaruwe na ba myugariro ba Mukura

88’ Koruneli ya APR FC 

83’ Irumva Justin yari ageze imbere y’izamu rya APR FC, aho gutanga umupira muri bagenzi be, awutera hejuru y’izamu

81’ Mugisha Gilbert yari atezwe n’umuzamu wa Mukura VS,Nikolas Sebwato ariko umusifuzi ntiyatanga penariti 

77' Kwitonda Allain Bacca atsinze igitego cya kane cya APR FC nyuma y'ishoti rikomeye atereye hanze y'urubuga rw'amahina

77'Gooooooooooooooooooooooooooooooooooooooooooooo! Kwitonda Allain

76' APR FC ikoze impinduka, Mahamadou Lamine Bah aha umwanya Mugiraneza Frodouard

73' Niyigena Clement atsinze igitego cya gatatu cya APR FC nyuma ya kufura yari itewe na Mugisha Gilbert abakinnyi ba mukura bawugaruye uramusanga ahita arekura ishoti

73' Gooooooooooooooooooooooooooooooooooooooooooo! Niyigena Clement

71' Kufura ya APR FC nyuma y'ikosa rikorewe Lamine Bah itagize

70' Mahamadou Lamine Bah yari yigwishije mu rubuga rw'amahina, umusifuzi aravuga ngo vuga uvuye aho

66’ APR FC ikoze impinduka mu kibuga Dushimirimana Olivier aha umwanya Kwitonda Allain Bacca na Mukura VS ihita ikora impinduka mu kibuga Muvandimwe Jean Marie Vianey asimbura Uwumukiza Obed.

62’ Mukura VS ikoze impinduka mu kibuga havamo Jordan Nzau Ndimbumba hinjira Niyonizeye Fred

61’ Niyibizi Ramadhan yari ahawe umupira na Mugisha Gilbert imbere y’izamu rya Mukura VS ariko Nicolas Sebwato arahagoboka

59’ Koroneli ebyiri za APR FC imbere y’izamu rya Mukura VS, ba rutahizamu ba APR FC bananiwe gushyira umupira mu izamu, amakipe yombi akomeza gukina anganya ibitego bibiri kuri bibiri

56' Sunzu Bonheur yari yari azamukanye umupira imbere y'izamu rya APR FC, yisanga wamurenganye.

53' Nikolas Sebwato yari akoze amabara, ariko Rushema Chris aratabara

48' Tuyisenge Arsene yatsinze igitego cya kabiri cya APR FC, amakipe atangira gukina anganya

48" Gooooooooooooooooooooooooooooooooooooo! Tuyisenge Arsene

47' APR FC ibonye koroneri nyuma y'umupira Mugisha Gilberta yari azamukanye gusa ba myugariro ba Mukura VS barawurenza

45' Igice cya kabiri gitangiranye impinduka ku ruhande rwa APR FC, Thadeo Luanga aha umwanya Ruboneka Jean Bosco

Igice cya mbere kirarangiye Mukura VS iyoboye n'ibitego 2-1

45+3' Nyuma y'uko Sunzu Bonheur yari ateye ishoti rikomeye ryakuwemo na Pavelh Ndzila, Tuyisenge Arsene yazamukanye umupira yiruka , awuhaye Lamine Bah ariko Sebwato aratabara.

45+2' APR FC yari ibonye kufura nziza itewe na Byiringiro Jean Gilbert ariko umupira ukurwamo na Nikolas Sebwato.

43' Dushimirimana Olivier atsinze igitego cya mbere cya APR FC ku mupira yari ahawe na Tuyisenge Arsene

43' Goooooooooooooooooooooooooooooooooooooooooooooooo! Dushimirimana Olivier

42' Nikolas sebwato atabaye Mukura VS

41' Sunzu Bonheur yari azamuye umupira imbere y'izamu rya Mukura VS ariko Aliou Souane aratabara

35’ Boateng Mensah yari yongeye kwisanga afite umupira imbere y’izamu rya APR FC ari w nyine ariko umusifuzi avuga ko yaraririye

33’ Sunzu Bonheur yari ashatse gutungura APR FC nyuma y’ishoti yatereye mu kibuga hagati, rica ku ruhande rw’izamu

32’ Nikolas Sebwato atabaye Mukura nyuma y’ishoti ryari ritewe na Mugisha Gilbert

29’ Mukura VS ibonye kufura nyuma y’ikosa Thadeo Luanga yari akoreye Boateng Mensah,ihise iterwa na Boateng Mensah ariko umupira unyura hejuru y’izamu rya Pahelh Ndzila

27’ APR FC yari ibonye kufura yatewe na Mahamadou Lamine Bah, myugariro wa mukura Rushema Chriss aratabara

22’ Boanteg Mensah abonye umupira mwiza ari imbere y'izamu atsinda igitego cya kabiri cya Mukura VS

22' Goooooooooooooooooooooooooooooooooooooooooo! Boateng mensah

21’ Mugisha Gilbert yari azamuye umupira mwiza cyane maze Dushimirimana Olivier ashyizeho umutwe gusa umupira unyura ku ruhande gato

16' Abdul Jalilu atsinze igitego cya mbere cya Mukura VS ku mupira waruvuye muri koroneri yari itewe na Sunzu Bonheur

16'Goooooooooooooooooooooooooooooooooooooooooooo! Abdul Jalilu

12' Pavelh Ndzila yari yongeye gucenga Mensah Boateng, agiye kuwumwaka gusa kumahirwe make umupira ujya ku ruhande

10' Tuyisenge Arsene arekuye ishoti ryashoboraga guteza ibibazo ariko rinyura hejuru y'izamu gato

9' Mugisha Gilbert ahushije igitego gikomeye cyane, nyuma y'umupira mvaburayi Tuyisenge Arsene yari amuhaye

7' Umuzamu wa APR FC Pavelh Ndzila acenze Ntalindwa Aimable umupira awuha Clement ariko birangira urenze

5' Sunzu Bonheur wa Mukura VS yari azamukanye umupira imbere y'izamu nanone ariko Umunta-Senegal Aliou Souane umupira awushyira koroneli. Ni koruneli itagize icyo imarira Mukura ku nshuro ya kabiri

2’ Mukura itangiranye imbaraga zidasanzwe, yongeye kuzamukana umupira imbere y’izamu rya APR FC ariko Niyomugabo Claude awushira muri koruneli itabyaye umusaruro

1' Mukura VS yari itangiye itungura APR FC ku ishoti Jordan Dimbumba ariko Pavelh Ndzila umupira ararifata

15:11’ umukino uratangiye

Abakinnyi ba APR FC na Mukura VS bishyishya

Abakinnyi 11 ba APR babanje mu kibuga; Pavelh Ndzila, Niyigena Clement, Byiringiro Gilbert, Niyomugabo Claude, Aliou Souane, Mugisha Gilbert, Niyibizi Ramadjhan, Mahamadou Lamine Bah, Dushimirimana Olivier, Tuyisenge Arsene na Thadeo Luanga.

Abakinnyi 11 ba Mukura VS babanje mu kibuga; Nikolas Sebwato, Ishimwe Abdul, Rushema Chris, Hakizimana Zubel, Uwumukiza Obed, Nisingizwe Christian, Uwukiza Obed, Ntalindwa Aimable, Dimbumba Jordan, Abdul Jalilu, Boateng Mensah na Sunzu Bonheur.

15:06' Abakinnyi ku mpande zombi basohotse mu rwambariro, Mukura VS igiye gucakirana na APR FC

14:51' Abakinnyi b'amakipe yombi yaba Mukura VS na APR FC batangiye kwishyushya mbere yuko bacakirana ariko batangiye batinzs kubera ko muri Kigali Pele Stadium hari hari gukinirwamo umukino wahuzaga AS Kigali na Inyemera zo mu cyiciro cya mbere mu Bagore

Ni umukino abakunzi ba ruhago bategereje uko uza kurangira dore ko Mukura VS yakaniye gutsinda na APR FC nayo ikaba yakaniye .

Uyu mukino ugiye gukinwa APR FC iri kumwanya wa Kane n'amanota 22 naho Mukura VS yo mu karere ka Huye yo ikaba iri ku mwanya wa 7 n’amanota 17.

Indi ngingo ikomeza uyu mukino nuko ikipe ya APR FC uretse Mpaga yatewe na Gorilla FC yari imaze imikino 45 idatsindwa umukino n’umwe wa shampiyona.

Iyo ikipe y'Ingabo z'igihugu igeze ku mateka meza nk’aya, itinya Mukura VS cyane, kuko niyo yakuyeho agahigo yari imaranye imyaka ibiri aho yari imaze imikino 50 idatsindwa muri shampiyona.

Mukura VS iramutse itsinze umukino wa none, yaba yongeye gukuraho amateka ya APR FC imaze imikino 45 idatsidwa umukino wo muri shampiyona. Nyamukanagira iheruka gutsindwa muri shampiyona ya 2022-23, ubwo yatsindwaga na Police FC ibitego bibiri kiri kimwe.

Imibare yerekana ko mu mikino 29 iheruka muri shampiyona,APR FC yatsinzemo imikino 17 , Mukura VS itsindamo imikino 7 naho banganya imikino 5. APR FC yinjijemo ibitego 37 naho Mukura VS yinjizamo ibitego 19.

Abakinnyi ba APR FC na Mukura VS bagera kuri Kigali Pelé Stadium

AMAFOTO: Ngabo Serge-InyaRwanda