FPR
RFL
Kigali

Abakobwa bakomeje guhabwa amahirwe muri Miss Uganda 2024 igeze ahakomeye – AMAFOTO

Yanditswe na: Brenda MIZERO
Taliki:18/06/2024 12:16
0


Mu gihe irushanwa ry’ubwiza rya Miss Uganda 2024/2025 ririmbanije, hari bamwe mu bakobwa bahatanye bakomeje guhabwa amahirwe menshi kurusha abandi yo kuba bakwegukana ikamba nyamukuru muri iri rushanwa.



Niba ukurikiranira hafi imyidagaduro by’umwihariko ibijyanye n’amarushanwa y’ubwiza, urabizi neza ko igihugu cya Uganda kiri mu rugendo rwo gushakisha umukobwa ugomba gusimbura Miss Hannah Karema ku mwanya wa Nyampinga w’iki gihugu uzagihagararira kuva mu mpera z’uyu mwaka kugeza hatowe undi mu mwaka utaha.

Kugeza ubu, abakobwa bagiye batorerwa guhagararira abandi mu bice bitandukanye by’iki gihugu bari mu majonjora ya nyuma simusiga, aho bakomeje guhabwa inyigisho n’ibiganiro binyuranye mu gihe abaturage ba Uganda ndetse n’abanyafurika muri rusange bategereje umunsi nyirizina w’ishiraniro.

Dore abakobwa bari guhabwa amahirwe yo kwegukana ikamba kugeza ubu:

1.     Queen Prisca



Queen Prisca nawe uherutse kwambikwa ikamba rya Miss Uganda West Nile, akaba yarasimbuye Asibazuyo Jackie Celine wari wambaye iri kamba kuva mu mwaka ushize, ni umwe mu bakobwa bakomeje kugaragarizwa igikundiro kiri hejuru mu irushanwa ryo gushakisha Nyampinga wa Uganda rigeze ahakomeye.

2.     Gift Byamugisha




Gift Kamugisha wari usanganwe amakamba abiri y'ubwiza harimo n'irya Nyampinga uberwa n'amafoto, wambaye ikamba ryo guhagararira Intara y'Uburengerazuba mu marushanwa ya Miss Uganda 2024-2025, ari mu bakomeje guhabwa amahirwe hirya no hino ku mbuga nkoranyambaga.

3.     Nankabirwa Almighty Mercy




Nankabirwa Mercy nawe ni umukobwa usanzwe umenyerewe mu marushanwa y'ubwiza muri Uganda, cyane ko umwaka ushize yambitswe ikamba rya Miss Rotaract Uganda, akaba ari n'umwanditsi w'ibitabo.

4.  Joane Nabatanzi




Joane Nabatanzi ufite umuryango ukora ibikorwa byo gufasha abatishoboye, ari mu bakobwa bakunzwe ndetse bakomeje guhabwa amahirwe muri Miss Uganda 2024.

5.     Lourine Winniefred Adyero




Adyero Lourine waciye agahigo ko kwambikwa ikamba rya mbere mu irushanwa rya Miss Uganda 2024-2025, ari mu bakobwa bakomeje gushyirwa mu majwi y’ushobora kwegukana iri rushanwa. Yatorewe guhagararira Intara y'Amajyaruguru, asimbura Desire Diana Amviko wari wambaye iri kamba.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND