RFL
Kigali

Hakizimana Muhadjri na Franck Nduwimana bavugwaga muri Rayon Sports bayirebye icyoroshye bigira ahandi

Yanditswe na: ISHIMWE Olivier Ba
Taliki:14/06/2024 14:02
0


Franck Nduwimana na Hakizimana Muhadjri bavugwaga muri Rayon Sports bamaze kuyitera umugongo umwe yerekeza muri Police FC undi yerekeza muri Gorilla FC.



Isoko ry'igura n'igurisha mu Rwanda rikomeje kwenyegezwa ku buryo budasanzwe, aho amakipe akomeje guterana gapapu mu buryo butunguranye. Nyuma y'uko kuri uyu wa Kane hari amakuru yagiye hanze avuga ko Rayon Sports yamaze gusinyisha Hakizimana Muhadjri, uyu musore yabihakaniye hejuru cyane. 

Hakizimana Muhadjri aganira na InyaRwanda yavuzeko ari umukinnyi wa Police FC. Yagize Ati " Ubu ndi umukinnyi wa Police FC."

Amakuru InyaRwanda yamenye ni uko uyu musore uri mu bitwaye neza umwaka ushize w'imikino avuga ko yamaze kongera amezerano y'imyaka ibiri muri Police FC, akaba yiteguye kuzayifasha mu mikino mpuzamahanga ya CAF confederation Cup ndetse na Shampiyona y'u Rwanda.

Hakizimana ni umukinnyi wa Police FC mu myaka ibiri iri imbere 

Undi mukinnyi wateye umugongo Rayon Sports ni Nduwimana Franck ukomoka mu gihugu cy'u Burundi wakiniraga ikipe ya Musongati FC.  Uyu musore yari yazanye na Niyonizeye Fred bose baje mu ikipe ya Rayon Sports, ariko birangiye nta n'umwe uyisinyiye. Niyonizeye Fred yasinyiye ikipe ya Mukura kuri uyu wa kane mu gihe Nduwimana Franck yamaze gusinyira ikipe ya Gorilla FC kuri iki gicamunsi amasezerano y'imyaka ibiri.

Nduwimana yatsinze ibitego 18 muri shampiyona y'u Burundi, anatanga imipira 6 yavuyemo ibindi

Ntabwo ari Nduwimana Franck Gorilla FC yasinyishije gusa, kuko yabasinyishije umutoza w'abanyezamu Higiro Thomas. 







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND