RFL
Kigali

NBA: Miami Heat yagiye kwa Sacramento Kings iyitsindira yo

Yanditswe na: ISHIMWE Walter
Taliki:27/02/2024 9:12
0


Ubwo hakinwaga imikino ya NBA kuri uyu wa Kabiri, Miami Heat yagiye muri Sacramento, itsinda Sacramento Kings amanota 121 ku 110.



Gutsinda uyu mukino ku ruhande rwa Miami Heat, byayigiriye akamaro gakomeye cyane, kubera ko yahise ijya ku mwanya wa Gatandatu mu Burasirazuba, ikaba imaze gutsinda imikino 32 yaratakaje imikino 25.

Sacramento Kings yo ibarizwa mu Burengerazuba bwa Leta Zunze Ubumwe za America. Gutsindwa umukino wa none, byatumye ifata umwanya wa karindwi, yuzuza imikino 24 imaze gutsindwa, ikaba imaze gutsinda imikino 33.

Mu mukino Sacramento Kings yari yakiriye Miami Heat kuri Golden 1 Center, warangiye abatuye Sacramento bababaye kubera ko ikipe yabo yananiwe kwikura mu nzara za Miami Heat.

Imbere y'abafana bayo, Sacramento Kings yabashije gutsinda agace ka mbere n'aka Kane, gusa ntiyakuramo ikinyuranyo cy'amanota menshi yatsinzwe na Miami Heat mu gace ka kabiri n'aka gatatu.

Mu gace ka mbere, Sacramento kings yatsinze amanota 33 kuri 32 ya Miami Heat, naho aka Kane itsinda 29 kuri 20. 

Miami Heat umukino wayo yawuyoboye mu gace ka kabiri n'aka gatatu. Agace ka kabiri yatsinze amanota 33 kuri 29 ya Sacramento kings naho aka gatatu itsinda 36 kuri 19 ya Sacramento kings. Umukino warangiye imbere y'abafana bayo, Sacramento kings itsinzwe amanota 110 ku 121 ya Miami Heat.


Miami Heat yagiye kwa Sacramento Kings iyitsindira imbere y'abafana bayo


Gutsinda uyu mukino byatumye Miami Heat ifata umwanya wa Gatandatu mu Burasirazuba 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND