RFL
Kigali

Arsenal yanyagiye Newcastle United,ikomeza gucungira hafi

Yanditswe na: Aloys Niyonyungu
Taliki:25/02/2024 0:05
0


Ikipe ya Arsenal yatsinze Newcastle United mu mikino yo ku munsi wa 26 wa shampiyona y'ikiciro cyambere mu Bwongereza.



Ni umukino wabaye kuri uyu Wagatandatu saa yine z'ijoro kuri Emirates Stadium.

Watangiye Arsenal iri hejuru dore ko mu munota wa 1 yarimaze kubonamo koroneri 2 nubwo nta cyavuyemo.

Ku munota wa 7 Bukayo Saka yaratsinze igitego habura gato ku mupira mwiza Declan Rice yarahaye Bukayo Saka nawe yinjira mu rubuga rw'amahina gusa umunyezamu wa Newcastle United aratabara.

Newcastle United yagiye ibura umupira maze bigeze ku munota wa 18 myugariro Sven Botman yitsinda igitego ku mupira waruvuye muri koroneri ya Declan Rice.

Nta gutinzamo,kuwa 24 iyi kipe y'abarashi yabonye igitego cya 2 cyari gitsinzwe na Kai Havertz ku mupira yarahawe na Gabriel Martinelli.

Nyuma yo gutsindwa igitego cya 2 ikipe ya Newcastle United noneho yagarageje kunyuzamo igakina inaboma uburyo imbere y'izamu nkaho Bruno Guimilaes yahaye umupira mwiza Miguel Almiron maze aragenda arawufata ariruka asigaranye n'umunyezamu ananirwa kuwumurenza.

Mu gice cya Kabiri Newcastle United yaje yahinduye ibintu ikina itarushwa cyane ndetse na rutahizamu wayo, Alexander Isak atangira kubona imipira akanarekura amashoti ashaka igitego.

Ku munota wa 65 Arsenal yabonye igitego cya 3 gitsinzwe na Bukayo Saka yandagahe ba myugariro ba Newcastle United ku mupira yarahawe na Kai Havertz. 

Nyuma y'iminota 5 iyi kipe y'abarashi yabonye igitego cya 4 gitsinzwe na Jakub Kiwior ku mupira waruvuye muri koroneri yaritewe na Declan Rice.

Newcastle United yaje kubona igitego cy'impozamarira gitsinzwe na Joe Willock ku munota wa 84 ahawe umupira na Dan Burn.

Umukino warangiye Arsenal inyagiye ibitego 4-1 ikomeza kuba kumwanya wa 3 n'amanota 58 mu gihe Newcastle United yo iri kumwanya wa 8 n'amanota 37.


Bukayo Saka aterekamo igitego cya 3







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND