Urabeho Manchester United: Dore bamwe mu bakinnyi bifuza kuva muri Manchester United

Iyo ikipe ishaka insinzi abakinnyi bameze neza biharira umwanya wo gukina mu kibuga. Abakinnyi batameze neza intebe irabumva.

Bamwe mu bakinnyi ba Manchester United batangaje ko bashaka kuyisohokamo bakajya gushakishiriza mu yandi Makipe.

Nk'uko tubicyesha umunyamakuru w'Umutaliyani uzwiho kumenya ibivugwa ku isoko ry'igura n'igurisha Fabrizio Romano, kuri YouTube ye yagaragaje abakinnyi bane ba Manchester United bisabiye kuyivamo. Abo ni Harry Maguire, Wout Weghost, Dean Henderson na Donny Van De Beek.

Harry Maguire: ni myugariro wa Manchester United ukomoka mu Bwongereza. Uyu mukinnyi impamvu imutera gusaba ikipe ya Manchester United ko yayivamo mbere na mbere ntabwo yishyimiwe n'abafana kubera ukuntu atakigaragaza ubuhanga mu mutima wa Defanse.

Harry Maguire uyu niwe Kapiteni wa Manchester United. Ubwo atagaragaje kwitwara neza, hahise haza abandi bakinnyi bitwara neza kuburyo byagaragaje ko Maguire atagikenewe muri Manchester United.

Mu gihe Harry Maguire yaba avuye muri Manchester United, mu mutima wa Defanse haba hasigaye Raphael Varane, Lisandro Martinez na Victor Lindelof.

Wout Weghost: Ni Rutahizamu w'ikipe y'igihugu y'Ubuhorandi. Uyu mukinnyi yabengutswe n'abatoza ba Manchester United ubwo yakinaga igikombe cy'isi 2022 ari kumwe n'ikipe y'igihugu y'Ubuhorandi.

Uyu mukinnyi ntabwo yatanze ibyo yari yitezweho mu ikipe ya Manchester United kuburyo umwaka w'imikino warangiye Wout Weghost atakibona umwanya ubanza mu kibuga. Ibi byatumye nawe asaba ikipe ko yayivamo Dore ko kubona umwanya ubanza mu kibuga byazagorana umwaka utaha kuko Manchester United iri gushaka abandi bakinnyi.

Dean Henderson: Ni umunyezamu w'umwongereza, ikipe ya Manchester United yamutije mu ikipe ya Nottingham Forest nyuma yo kubura umwanya ubanza mu kibuga muri Manchester United.

Dean Henderson kwicaza umunya Espagne David De Gea byaramunaniye bituma ikipe ya Manchester United imutiza Nottingham Forest. Kwitwa umukinnyi wa Manchester United nibyo atagishaka, ahubwo ashaka ko yatandukana nayo akitwa umukinnyi wa Nottingham Forest cyangwa akajya mu yindi kipe imwifuza.

Donny Van De Beek: Nawe ni umukinnyi w'ikipe y'igihugu y'Ubuhorandi. Uyu mukinnyi kubera ibibazo by'imvune yabuze umwanya wo gukina mu ikipe ya Manchester United.

Donny Van De Beek, asaba ikipe ya Manchester United ko yamurekura dore ko Hari amakipe yo mu gihugu cya Espagne yifuza uyu mukinnyi ukina hagati mu kibuga.

N'ubwo aba bakinnyi batangaje ko bashaka kuyisohokamo bakajya gushakishiriza mu yandi Makipe, hari n'abandi benshi biteganyijwe ko batazakomezanya na Manchester United kuko ifite gahunda yo kugura abakinnyi babarusha ubushobozi. Abo ni Anthony Martial, Jadon Sancho, Anthony Eranga, Phil Jones n'abandi.

Dean Henderson ashaka kureka kwitwa umukinnyi wa Manchester United Kandi atagikina

Ikibazo cy'imvune n'icyo cyabase Donny Van De Beek

Donny Van De Beek ari kumwe na Cristiano Ronaldo mu ikipe ya Manchester United

Harry Maguire ntabwo akigaragaza ubuhanga bwe mu ikipe ya Manchester United

Harry Maguire niwe Kapiteni w'ikipe ya Manchester United

Wout Weghorst gutsinda ibitego mu ikipe ya Manchester United byaramunaniye