RFL
Kigali

Amarangamutima ya Iradukunda Pascal umwe mu bakinnyi batwaye igikombe cy'Amahoro bakiri bato - VIDEO

Yanditswe na: ISHIMWE Olivier Ba
Taliki:4/06/2023 10:13
0


Iradukunda Pascal ukina mu kibuga hagati mu ikipe ya Rayon Sports yishimiye igikombe cya mbere yegukanye nk'uwabigize umwuga, gusa avuga ko ku myaka ye atabikekaga.



Kuri uyu wa Gatandatu, nibwo hakinwe umukino wa nyuma w'igikombe cy'Amahoro 2023, aho Rayon Sports yegukanye iki gikombe itsinze APR FC igitego 1-0. Mu bakinnyi bambaye imidari harimo n'umwana ukiri muto, Iradukunda Pascal w'imyaka 17.

Uyu musore aganira na InyaRwanda nyuma y'umukino, yavuze ko ko kwegukana igiko cy'Amahoro, ari ibintu byamurenze. Yagize Ati "Ni ibintu byandenze ku giti cyanjye kuko gutangira gutya umupira w'amaguru ukegukana igikombe ku myaka 17 ndetse unatsinze ikipe nkuru ku mukino wa nyuma, ni ibintu biba bishimishije cyane."

Pascal yemeza ko atari aziko ku myaka afite yaba abonye igikombe nk'umukinnyi wabigize umwuga. Ati" njye numvaga nibura ko ku myaka 20 aribwo natangira gutekereza igikombe, ariko kubera gusenga Imana ndetse n'ubushobozi bwacu bitumye tubona igikombe cy'Amahoro."

Iradukunda Pascal abaye umwe mu bakinnyi mu Rwanda babashije kwegukana igikombe cy'Amahoro akiri muto, kuko ubu ageze mu mwaka wa kane w'amashuri yisumbuye.

Pascal yageze muri Rayon Sports mu mpera za shampiyona y'umwaka ushize, ariko aza kubona amasezerano y'uyu mwaka w'imikino urangiye ari nawo mwaka wa mbere akinnye nk'uwabigize umwuga. 

">





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND