Beyonce yakorewe ikibumbano gishyirwa mu nzu ndangamurage i Berlin-AMAFOTO

Inzu ndangamurage yitwa Madame Tussauds imenyereweho gukora ibibumbano by’abantu bafite izina rikomeye mu myidagaduro no muri politiki, niyo yakoze ikibumbano cy’umuhanzikazi w’icyamamare Beyonce. Iyi nzu yashinzwe n’umunyabugeni kabuhariwe Madame Marie Tossauds ukomoka mu Bufaransa, ayishinga mu 1835.

Beyonce yakorewe ikibumbano basa.

Hashize imyaka 200 iyi nzu ikora ibibumbano by’ibyamamare, ndetse inafite amashami mu mijyi itandukanye. Mu mashusho iyi nzu ndangamurage yashyize kuri YouTube, yerekanye ikibumbano yakoreye Beyonce. 

Iki kibumbano kirasa neza nkawe ndetse ukitegereje wagira ngo ni umuntu nyamara ari ikibumbano gikoranye ubuhanga, ndetse kinasize amabara yabugenewe kuburyo uruhu rusa nk’urw’abantu.

Ikibumbano cya Beyonce cyashyizwe mu nzu ndangamurage i Berlin.

Iki kibumbano cya Beyonce cyambaye ikanzu isa neza n’iyo uyu muhanzikazi yambaye mu mwaka wa 2018, mu gitaramo yakoreye i Berlin mu gihe yari ari gukora ibitaramo bizenguruka ibihugu yise ‘On The Run Tour II’ yakoranye n’umugabo we Jay Z. 

Iki kibumbano cyakozwe hagendewe ku gitaramo Beyonce yakoreye i Berlin mu 2018.

Urebye wagira ngo ni Beyonce wa nyawe nyamara ari ikibumbano cye.

Hari hashize umwaka n'amezi 7 kiri gukorwa.

Inzu ndangamurage ya Madame Toussauds yatangaje ko yifuzaga guha icyubahiro Beyonce ikamukorera ikibumbano, ndetse iki kibaye ikibumbano cya kane iyi nzu imukoreye kuko ifite ibindi mu mujyi wa Delhi mu Buhinde, Hollywood muri Leta Zunze Ubumwe za America ndetse no mu mujyi wa London mu Bwongereza.

Iki ni ikibumbano cya 4 Beyonce akorewe n’inzu ndangamurage ya Madame Tussauds.