Camila Cabello mu munyenga w'urukundo n'umusore mushya nyuma yo gutandukana na Shawn Mendes-AMAFOTO

Camila Cabello umuhanzikazi ukunzwe cyane muri iki gihe ukomoka mu gihugu cya Cuba akaba akorera umuziki muri Leta Zunze Ubumwe za Amerika ari na ho atuye, uyu muhanzikazi wamenyekanye mu itsinda rya Fifth Harmony yabarizwagamo yongeye kuvugwa cyane nyuma yaho agaragaye ari kumwe n'umukunzi we mushya witwa Austin Kevitch nyuma y'amezi 9 atandukanye n'umuhanzi Shawn Mendes bari bamaranye imyaka 3.

Camila Cabello mu munyenga w'urukundo n'umusore mushya nyuma yo gutandukana na Shawn Mendes

Daily Mail yatangaje ko Camila Cabello ugezweho mu ndirimbo 'Bam Bam' yakoranye n'icyamamare Ed Sheeran aho yaririmbyemo ibijyanye n'itandukana rye na Shawn Mendes akanamwifuriza kubona undi mukunzi, kuri ubu ni we wabonye umukunzi mushya. Yagaragaye ari gutembera n'umusore mushya bari mu rukundo bafatanye ibiganza mu mujyi wa Los Angeles.

Camilla Cabello mu bihe byiza n'umukunzi we Austin Kevitch

Camila Cabello n'umukunzi we mushya Austin Kevitch banafashe umwanya basangira ikawa muri resitora aho bagaragaye uyu muhanzikazi yahuje urugwiro n'uyu musore anamusoma ku itama. Daily Mail ivuga ko umubano waba bombi ugiye kumugaragaro nyuma yaho byari byabanje kuvugwa mu kwezi kwa Kanama ko bari mu rukundo.

Camila Cabello asangira n'umukunzi we mushya yasimbuje Shawn Mendes

Austin Kevitch w'imyaka 31 uri mu rukundo na Camila Cabello w'imyaka 25 ni rwiyemezamirimo wanashinze urubuga rwitwa Lox Club rufasha abantu kubona abakunzi. Camila Cabello yinjiye mu rukundo na Austin amaze amezi 9 atandukanye n'umuhanzi Shawn Mendes.

Ikiganza mu kindi Camila Cabello yatemberanye n'umukunzi we mushya Austin Kevitch