Rutahizamu w’umunya-Misiri ukinira Liverpool, Mohamed Salah n’Umubiligi ukina mu kibuga hagati muri Manchester City, Kevin De Bruyne barahabwa amahirwe yo kuvamo um ukinnyi uzegukana igihembo cy’umukinnyi mwiza wahize abandi muri Premier League uyu mwaka.
Igihembo
cy’umwaka w’imikino wa 2021-22 gihataniwe n’abakinnyi 8 bigaragaje kurusha
abandi muri Premier League, barimo Kevin De Bryune wa Man.City, Mo Salah wa
Liverpool, Trent Alexander-Arnold wa Liverpool, Joao Cancelo wa Man.City, Jarrod
Bowen wa West Ham United, Bukayo Saka wa Arsenal, Son Heung-min wa Tottenham
Hotspur na James Ward-Prowse wa Southampton.
Kugaragara
kuri uru rutonde kw’aba bakinnyi basanzwe bayoboye abandi muri Premier League
kwitwara neza, byabongereye amahirwe yo kuzegukana iki gihembo.
Salah
niwe uyoboye abandi mu gutsinda ibitego byinshi muri Premier League uyu mwaka w’imikino
aho amaze gutsinda ibitego 22 anatanga imipira 11 yavuyemo ibitego, mu gihe De
Bryune agaragara ku mwanya wa Kane mu bamaze gutsinda byinshi aho amaze
kwinjiza 15 n’imipira 7 yavuyemo ibitego.
Aba
bakinnyi bombi bigeze kwegukana iki gihembo mu myaka ishize aho bacyegukanye mu
mwaka w’imikino wa 2017-18 na 2019-20.
Igihembo
cy’umwaka ushize cyegukanywe na myugariro w’umunya-Portugal ukinira Manchester
City, Ruben Dias.
Kevin De Bryune wa Man.City arahabwa amahirwe yo kuba umukinnyi w'umwaka muri Premier League
Mo Salah wa Liverpool arahabwa amahirwe yo kwisubiza iki gihembo
Eng
RSS 
TANGA IGITECYEREZO