Ikigo cyo muri Koreya y’Epfo gifatwa nk’icya mbere ku Isi muri program za mudasobwa zifashishwa mu gukora inyigo z’ibiraro (Bridge design) cyitwa MIDAS kigiye kohereza abahanga ku rwego rwo hejuru mu kuyobora no gukora inyigo z’imishinga ijyanye n’ibiraro kwigisha aba enjeniyeri (Engineers') bo mu Rwanda.
Ni ku bufatanye n’amasezerano bafitanye
n’ikigo nyarwanda Nziza Training Academy cyiyoboye isoko ryo gutanga amahugurwa
ahanitse ku barangije za Kaminuza mu masomo y’imyuga.
Biri mu rwego rwo kujyana n’icyerecyezo cy’igihugu, aho bateguye amahugurwa ajyanye no kwigisha ikorwa ry’inyigo z’ibiraro agiye kubera i Kigali agenewe aba 'engineers' b’abanyarwanda basanzwe bakora mu mirimo ijyanye no gusesengura ubukomere bw’inyubako, imihanda ndetse n’ibiraro.
Aya mahugurwa yemewe n’urugaga rw’aba-engineers
mu Rwanda, ndetse aba enjeniyeri bazayitabira bazahabwa CPD Points 25
Ni ubwa mbere mu Rwanda hari kubakwa
ikiraro gica mu kirere giherereye Kicukiro centre, nk’uko biri mu ntego za
Nziza Training Academy kureba ubuhanga butari mu gihugu maze ubundi ikazana
abahanga ku rwego mpuzamahanga bakaza kwigisha abanyarwanda uko bikorwa.
Ni kuri iyo mpamvu iki kigo cyarebye
aho igihugu cyerecyeza maze cyanzura gusinya amasezerano n’ikigo cy-Abanyakoreya
y’Epfo gikora program ya mudasobwa kabuhariwe mu gukora inyigo zibiraro yitwa MIDAS
CIVIL akaba ari nayo aba bahanga baje i Kigali kwigisha abanyarwanda.
Kwitabira aya mahugurwa azamara
iminsi itanu yose bisaba kuba wararangije Kaminuza mu mashami ajyanye n’Ubwubatsi
bw’amazu, imihanda cyangwa ibiraro, ndetse ukaba usobanukiwe neza uko isesengura
ry’uburemere bw’inyubako zikorera ibintu biremereye bukorwa.
Kwiyandikisha birasaba guhamagara
cyangwa kwandikira kuri Whatsapp Nimero y'ikigo Nziza Training Academy +250785568718
cyangwa kuri +250788472191.
Amahugurwa akaba azatangira ku wa 30
werurwe, arangire ku wa 03 Mata 2022, mu minsi y’imibyiza akazajya aba nyuma ya
saa sita.
Aya mahugurwa akazasozwa ku 04 Mata
2022 mu birori byo gutanga ‘certificate’ haba kuri aba bazaba bahuguwe mu gukora
inyigo z’ibiraro, ndetse n’abandi basoje andi masomo yatanzwe na Nziza Training
Academy muri 2020, 2021 ndetse n’amahugurwa yandi yabaye muri 2022.
Muri ibyo birori kandi hateganyijwe ishyirwa ku mugaragaro igishushanyo mbonera cya kaminuza ya IPRC Gishari cyo mu 2050 kiri kuri Hectare 45 cyakozwe n’abahanga bahuguwe na nziza training academy mu ishami ryo guhanga imbata z’amazu.
Ikigo MIDAS cyo muri Koreya y’Epfo kigiye kohereza abahanga ku rwego rwo hejuru mu kuyobora no gukora inyigo z’imishinga ijyanye n’ibiraro kwigisha aba enjeniyeri bo mu Rwanda
Ikigo Nziza Training Academy
cyiyoboye isoko mu gutanga amahugurwa ahanitse ku barangije za Kaminuza mu masomo
y’imyuga
Ikigo MIDAS kigiye kohereza mu Rwanda abahanga ku rwego rwo hejuru mu gukora inyigo z'ibiraro
ABAHANGA BO MURI KOREYA Y'EPFO BAGIYE KUZA MU RWANDA KWIGISHA ABA ENJENIYERI
TANGA IGITECYEREZO