Emmas & Salem ni itsinda rishya mu muziki wo kuramya no guhimbaza Imana rigizwe n'umugabo n'umugore bishyize hamwe biyemeza gusenyera umugozi umwe bamamaza ubutumwa bwiza bwa Yesu Kristo binyuze mu muziki. Kuri ubu bashyize hanze indirimbo yabo nshya 'Imigambi yawe' yasohokanye n'amashusho yayo.
Pastor Emmanuel Rwagasore (Emmas) ni umushumba w'Itorero New Jerusalem Ministries riherereye muri Canada mu mujyi wa Edmonton. Mu mwaka wa 2020 tariki 18 Ukwakira, ni bwo Emmas n'umugore we Salem batangiye gushyira hanze indirimbo bahuriyemo nk'itsinda ry'umugabo n'umugore bakaba bazinyuza kuri shene yabo ya Youtube bise Emmas & Salem Melodies'. Bamaze gukora indirimbo 5 ari zo: "Nimuze", "Mube maso", "Isengesho/Ndashaka", "Mana humura" na "Imigambi yawe" bashyize hanze.
Iyi ndirimbo nshya "Imigambi yawe" ya Emmas & Salem ni iya 5, ikaba ibwira abatuye Isi kumenya ko imigambi y'Imana ari myiza kuri bo nk'uko Pastor Emmanuel yabitangarije InyaRwanda.com ati "Iyi ndirimbo ni iya gatanu. Ikubiyemo ubutumwa bwo gushishikariza abatuye isi bose kumenya ko imigambi y'Imana ari myiza cyane muri ibi bihe by'ibyorezo n'imyiryane. Ntabwo dushobora kwihutisha umugambi wayo cyangwa ngo tuwukerense. Imana ikorera ku gihe cyayo kandi ni cyo cyiza".
Pastor Emmanuel Rwagasore (Emmas) aririmbana n'umugore we
Umuryango wa Emmas & Salem
Eng
RSS 
TANGA IGITECYEREZO