Burna Boy umunyanigeriya wahiriwe n’urugendo rwa muzika yahuriye mu ndirimbo na Justin Bieber uri gusohora indirimbo ziri kuri album yise "Justice’’. Bakoranye ‘’Loved By You’’ aho yaririmbyemo amasegonda 18.
Ni indirimbo iri kuri shene ya YouTube ya Justin Bieber. Yayishyizeho ku ya 18 Werurwe 2021, imaze kurebwa n’abarenga miliyoni imwe n'ubwo idakoze mu buryo bw’amashusho ahubwo irashushanyije (Visualizer).
Iyi ndirimbo ifite iminota 2:39’’, Burna Boy we
yinjirira ku munota wa mbere n’amasegonda 15 agasoreza ku munota wa mbere n’amasegonda
33. (1:14’-1:33’). Iyo ubaze neza usanga yaragiriwe Ubuntu akaririmbamo
amasegonda 18’’.
Burna Boy ateye intambwe nyuma y’abandi bahanzi bagenzi be bo muri Nigeria bagiye bakorana indirimbo n’ibyamamare byo muri Amerika. Urugero WizKid yahuriye mu ndirimbo na Beyonce yitwa ’’Brown Skin girl’’ iba itaka ubwiza bw’umukobwa. Ndetse iyo ndirimbo yamuhesheje igihembo muri Grammy Awards iheruka ubwo yabaga ku nshuro ya 63.
Wizkid na Drake mu 2016
bahuriye mu yitwa ‘’One Dance’’ yaje no gukundwa ikaza mu 100 zikunzwe
(Billboard hot 100) yamaze ibyumweru 10 iyoboye urwo rutonde. Si abo gusa hari
n’abandi bahanzi bagiye bahurira mu ndirimbo n’abo bo muri Leta Zunze ubumwe za Amerika.
Burna Boy muri uyu mwaka afite igihembo cya Grammy cya album y’umwaka mu cyiciro kitwa ‘’ The Best Global Music Album award’’ iyo yatsinze yitwa’’Twice as Tall’’, ikaba yaratunganyijwe na Timbaland, Sean Combs, Mike Dean, leriQ, Rexxie, Mario Winans, Skread na Andre Harris.
Burna Boy uri guhesha ikuzo
Afrobeat ku ruhando mpuzamahanga afite album eshanu: Life yo mu 2013, Redemption
yo mu 2015, Outside yo mu 2018, African Giant yo mu 2019 na Twice as Tall yo mu
2020.
Reba iyo ndirimbo yakoranye na Justin Bieber
TANGA IGITECYEREZO