Kigali

Covid-19: U Rwanda rwakiriye inkingo ibihumbi 240 rwizeza gukingira abaturage 60% muri Kamena 2022

Yanditswe na: Mbarubukeye Etienne Peacemaker
Taliki:3/03/2021 10:31
0

Minisiteri y’ubuzima mu Rwanda ibinyujije kuri Twitter yasobanuye ko hakiriwe inkingo ibihumbi 240 zo mu bwoko bwa AstraZeneca zatanzwe muri gahunda ya Covax igamije gufasha ibihugu bidafite amikoro ahagije yo kubasha kwigurira inkingo za Covid-19.



Itangazo rya Minisiteri y’ubuzima rivuga ko izo nkingo ibihumbi 24 zakiriwe mu gitondo cyo kuri uyu wa Gatatu, zikaba zibimbiriye izindi za Pfizer 102,960 zishobora kuhagera ku mugoroba w’uyu munsi. Izo nkingo zizahabwa abafite ibibazo by’ubuzima nibura 171,480. Ku ikubitiro hazabanza abakora mu nzego z’ubuvuzi, abarengeje imyaka 55. Muri Kamena ya 2022 mu Rwanda hazaba hamaze gukingirwa miliyoni 7.8


Ubwo yari amaze kuzakira minisitiri w’ubuzima Dr Ngamije Daniel yagize ati:’’’Twishimiye kwakira izi nkingo za AstraZeneca na Pfizer biciye muri gahunda ya Covax, turashimira ubufatanye na UN, Gavi, abaterankunga n’inganda zakoze izi nkingo’’. Yakomeje avuga ko Leta y’u Rwanda ifite gahunda yo gukingira 30% mu mpera za 2021 na 60% mu mpera za 2022.


Naho Dr Kasonde Mwinga uhagarariye mu Rwanda ishami ry’umuryango w’abibumbye ryita ku buzima (OMS/WHO), yavuze ko Leta y’u Rwanda yahanganye bikomeye na Coronavirus ndetse ibasha kurengera ubuzima bwa benshi. Yasoje avuga ko iyo gahunda ya Covax yerekana umuhate w’ibihugu bituye Isi mu gufatanya guhangana na Covid-19.


Ni itangazo risoza risobanura neza abagomba kwihutirwa gukingirwa barimo: Abakora muri gahunda yo kwirinda Coronavirus, abarengeje imyaka 65 y’amavuko, abantu bafite indwara zabaye karande zikabazahaza nka Diyabete, Umutima n’izifite aho zihuriye n’ubuhumekero, ndetse n’abafite ubumuga nabo bari ku isonga mu gukingirwa.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND