Ibyihariye kuri ‘Queen B’ ukurikirwa n’abantu hafi Miliyoni 5 uyoboye abantu bose ku mbuga nkoranyambaga muri Afurika y’Epfo-AMAFOTO

Hari abakurikirwa n’urubyiruko rwinshi kubera kwifotoza neza no kwiyambika imyenda yerekana bimwe mu bice by’ibanga. Muri Afurika y’Epfo hari umukobwa wabaye ikimenyabose kuri Instagram na Twitter ari we Bonang Matheba wamamaye nka “Queen B”. Kwamamara kwe byatumye yisanga mu rukundo n’ibyamamare bitandukanye byo muri Afurika y’Epfo.

Bonang Matheba, ni umunyamakuru wabaye umunyembaraga mu bijyanye n'imyidagaduro, yagiye yakira ibitaramo bizwi cyane nka SABC 1 Live. Bonang Matheba, kandi yakomeje kwerekana ibiganiro bikunzwe bitandukanye bya tereviziyo nk’ikinyamakuru kizwi cyane cyitwa “Top Billing”.

Bonang Dorothy Matheba w’imyaka 33, yavutse ku ya 25 Kamena 1987, n'ubwo ari umunyamakuru w’icyamamare, ni n'umucuruzi, umuproducer, umunyamideli akaba n'umugiraneza. Azwiho ubuhanga bwo kwerekana ijwi rye ritangaje, azwiho kandi kuba umwirabura wa mbere w’umunyafurika y'Epfo wagaragaye ku binyamakuru byinshi.

Mu mwaka wa 2011, abaye icyamamare cya mbere muri Afurika y'Epfo cyatangije igitaramo cyo kuri interineti cyitwa ‘B Dazzled’. Mu 2013, yabaye ambasaderi wa mbere mpuzamahanga w’imyenda yitwa Revlon.

Queen B mu munyenga w'urukundo na D Banj

Muri 2015 umuhanzi wo muri Nigeria, D Banj yavuzwe mu rukundo n’iki cyamamare, Bonang yanakundanye kandi na AKA umwe nawe mu byamamare bikomeye muri Afurika y’Epfo. Bonang afite kandi umwihariko wo gukurikirwa n’abantu benshi kuri Instagram aho ubu akurikirwa n’abantu Miliyoni 4 n’ibihumboi 200 (4.2M).

Bonang, Queen B. yavuzwe mu rukundo na AKA.

Bonang ayobora ibirori bikomeye

Bonang akora nk'umunyamideli