Imana yamukuye ahakomeye! Nyuma yo kuzenguruka umujyi afite icyapa gisaba akazi ubu yujuje inzu y’akataraboneka-AMAFOTO

Ntabwo umuntu yatekereza ko byashoboka ariko byarashobotse, ubu ari mu baherwe. Uyu mugore yabihiwe n’ubuzima kandi arumirwa bituma ajya mu muhanda gusaba akazi. Ibubeleye yigeze kujya mu muhanda gusaba akazi impamyabumenyi ye yometse ku ikarito maze azenguruka umujyi ashakisha umukoresha, icyo gihe yaramubuze ubuzima bukomeza gusharira ariyanga.

Ku wa kane, tariki ya 21 Mutarama 2021, uyu mugore yifashishije imbuga nkoranyambaga yizihije isabukuru ye y'amavuko yerekana inzu ye nshya. Byari inzira kuri we yo kwizihiza isabukuru y’imyaka 31 mu buryo bwo kwishimira aho ageze. Ibubelye yavuze ko nta mugabo wamuhaye amafaranga yo kubaka iyo nzu akavuga ko yayigize binyuze mu gucuruza Bitcoin na Forex. Yongeyeho ko atigeze agurisha umubiri we. Ibyo yagezeho byose akaba yarabifashijwemo n'Imana.

Avuga ko ntaho Imana itakura umuntu, akemera ko kandi abagabo bakunda umugore wese ufite amafaranga kurusha. Ashimangira ko abagabo bamukunda cyane kubera yamaze kwisobanukirwa no kwiteza imbere ibitari byaramubayeho afata ikarito akazengurika umujyi wa Lagos muri Nigeria ashakisha uwamupfa agasoni akamuha akazi abashe kwitunga.