Umunyamuziki Khaled Mohamed Khaled wamamaye nka Dj Khaled yahawe kuyobora ibirori bikomeye by’umuziki bya MTV Africa Music Awards Kampala 2021 umuhanzi w’umunyarwanda Ngabo Medard Jorbert [Meddy] ahatanyemo, kandi yagaragaje ko afite icyizere cyo kwegukana igihembo mu cyiciro arimo.
Dj Khaled yegukanye Grammy Awards, yisanzuye mu kuvanga imiziki. Yamenyekanye binyuze mu ndirimbo yashyize ku isoko ziri mu njyana ya Hip Hop na R&B. Ni we wahawe kuyobora umuhango w’itangwa ry’ibihembo bya MTV.
Ibi birori bishobora kuzagaragara ku Isi yose ku nshuro ya mbere mu bihugu bigera kuri 180 ku wa 20 Gashyantare 2021 bikanaca kuri Televiziyo ya MTV.
Khaled azayobora ibi birori bizakorwa mu buryo bw’ikoranabuhanga aherereye mu Mujyi wa Miami muri Florida afatanyije n’abandi bashyushyarugamba bo muri Afurika batandukanye.
Bruce Gillmer ukuriye umuziki, impano mu muziki, gutegura ibitaramo muri ViacomCBS Media network yavuze ko “Africa ni urugo rw'impano, twishimiye ko izi mpano zigiye kugaragara mu bihugu 180.”
Monde Twala Umuyobozi wungirije muri ViacomCBS yavuze ko kuba Dj Khaled ari we uzayobora ibi birori bafite icyizere cy'uko bizarebwa n'umubare munini. Ati "Kuba Dj Khaled ariwe uzayobora uyu muhango, turizera ko bizagenda neza kandi Isi yose izabibona.”
Dj Khaled wahaye kuyobora ibi birori yavuze ko MTV yamubereye umufatanyabikorwa mwiza kuva ku munsi wa mbere yatangiriyeho urugendo rw’umuziki.
Ati “MTV yabaye umufatanyabikorwa ukomeye wanjye. Nagize amahirwe yo kuzayobora MTV Africa Music Awards Kampala 2021 [MAMA] y’uyu mwaka. Ntegerazinyije amatsiko kubona umuziki w’igitangaza uva muri Africa nagiye nigiraho byinshi mu rugendo rwanjye.”
Kuri uyu wa Kane tariki 21 Mutarama 2021, Meddy yanditse kuri konti ye ya Instagram asaba abafana be n’abakunzi b’umuziki muri rusange kumutora muri ibi bihembo. Yabajije abafana be niba biteguye kumufasha agatwara iki gihembo. Yavuze ati “Bantu banjye mwafasha tukagatwara n’iki. Turagitwara cyangwa?.”
Yanditse no kuri Twitter agira ati "Nafashe umwanzuro w'uko iki gihembo ari icyanjye."Ni ku nshuro ya mbere umuhanzi wo mu Rwanda ahatanye mu bihembo bya MTV. Meddy ari mu cyiciro ‘Listeners’ Choice’ aho ahaganye n’abarimo umuraperi Khaligraph Jones, Pallaso wo muri Uganda. Sarkodie, Tiwa Savage wo muri Nigeria n’abandi.
Inkuru bifitanye isano: Meddy yashyizwe mu bahataniye ibihembo bya MTV bizatangirwa muri Kampala
Dj Khaled yavuze ko ari iby'igiciro kinini kuri we kuba agiye kuyobora ibirori bya MTV yamuteje imbere mu buryo bukomeye
Meddy yagaragaje ko afite icyizere cyo kwegukana igihembo mu cyiciro "Listeners'Choice"
Eng
RSS 
TANGA IGITECYEREZO