Umugabo amaze amezi atatu aba ku kibuga cy’indege mu ibanga rikomeye kubera gutinya Covid-19

Ishami rya polisi rya Chicago ryemereye CNN ko umugabo witwa Aditya Udai Singh, ufite imyaka 33 y’amavuko yatawe muri yombi mu gitondo ku wa gatandatu ahitwa O'Hare, akurikiranyweho kwigira umuntu utazwi mu gace kabujijwe ku kibuga cy’indege no kwiba amafaranga hafi 500 y’amadorali.

Singh, yitabye urukiko rw’ubucamanza nk'uko bivugwa na Tribune ya Chicago Tribune, bavuze ko Singh yageze O'Hare mu ndege yavaga i Los Angeles ku ya 19 Ukwakira, nyuma bivugwa ko yaba yarabaye ku kibuga cy’indege mu ibanga rikomeye kugeza itabwa muri yombi rye ryo ku ya 16 Mutarama.

 Aditya Udai Singh, wabaye amaze atatu ku kibuga cy'indege mu ibanga

Bivugwa ko Singh yafashwe nyuma yo kwiyegereza abakozi babiri ba United Airlines basabye kureba umwirondoro we. Bavuga ko yaberetse ibyangombwa bye byuzuye. Umushinjacyaha wungirije wa Leta, Kathleen Hagerty, mu rukiko yavuze ko Singh yatinye gutaha kubera Covid" kandi ko abandi bagenzi bari bamuhaye ibiryo azajya arya mu gihe atarataha

Ikinyamakuru cyatangaje ko umucamanza w'intara ya Cook, Susana Ortiz, yatangaje ko yatunguwe n'imiterere idasanzwe y'uru rubanza. Ortiz ati: "Simbyumva neza , wambwira ko umuntu utabifitiye uburenganzira, utari umukozi bivugwa ko yabaga mu gice cyizewe cy’ikibuga cy’indege cya O'Hare kuva ku ya 19 Ukwakira 2020, kugeza ku ya 16 Mutarama, 2021, ntibimenyekane n’uburyo umutekanop uba wakajijwe? Ndashaka kubyumva neza. "

Ikibuga cy'indege cya Chicago

Umufasha wunganira rubanda, Courtney Smallwood yabwiye urukiko ko Singh atuye mu gace ka Los Angeles gaherereye mu gace ka Orange kandi ko adafite umugambi w’ inkozi y'ibibi.

Bivugwa ko ingwate ya Singh yashyizwe ku madorari 1.000, hasabwa ko atazongera kwinjira ku kibuga cy’indege cya O'Hare, akaba agomba kwitaba urukiko ku ya 27 Mutarama.Ikibuga cy'indege cya O'Hare kiri mu bibuga byakira abantu benshi kijya cyakira abagenzi bangana na miliyoni 84,6 ku mwaka.