Myugariro w'ikipe y'igihugu ndetse n'ikipe ya Sofapaka, Mitima Isaac, yagarutse mu kibuga ku mukino wa Shampiyona ikipe ye yatsinzwemo na Nzoia Sugar ibitego 2-1 aba uba umunnyi w'umukino ku ruhande rwa Sofapaka FC.
Kuri uyu wa Gatandatu tariki 16 Mutarama 2020, shampiyona y'icyiciro cya mbere muri Kenya yakomeje, aho ikipe ikinamo umunyarwanda Mitima Isaac yahuraga n'ikipe ya Nzoia Sugar bikarangira ari ibitego 2-1 cya Sofapaka FC.
Mitima wahoze ari myugariro wa APR FC ndetse n'ikipe ya Police FC yari amaze igihe kigera ku kwezi adakandagira mu kibuga kuko yaherukaga gukina tariki 6 Ukuboza 2020 ku munsi wa 2 wa Shampiyona ubwo Sofapaka yakinaga na Western Stima banayitsinda ibitego 3-1 ariko aza kugira ikibazo mu minota ya nyuma y'umukino.
Gusa nyuma yo kugaruka mu kibuga, Mitima w'imyaka 23 yakinnye iminota yose y'umukino byatumye ariwe uba umukinnyi w'umukino ku ruhande rwa Sofapaka FC.
Indi mikino uko yagenze, Bandari itozwa n'umutoza Cassa Mbungo yatsinze bigoranye ikipe ya Homeboys ibitego 4 kuri 3, City Stars inganya na Ulinzi Stars igitego 1 kuri 1, Tusker FC inyagira K. Sharks ibitego 4 kuri 2.
Eng
RSS 
TANGA IGITECYEREZO