Kigali

Umuhanzikazi Natacha avuga ko u Burundi buramutse bufite abahanzi 10 bameze nkawe nta gihugu cyabajya imbere muri muzika

Yanditswe na: David Mayira
Taliki:3/12/2020 15:48
0

Umuziki wo mu Karere uhagaze neza mu bihugu bimwe na bimwe, uko bwije n'uko bukeye muzika igenda ikura inakuza abahanzi bakamamara ku rwego mpuzamahanga, gusa umuziki wo mu gihugu cy'u Burundi usanga utarenga umutaru ugereranije n’ibindi bihugu.



Mu gihugu cy’abaturanyi cy’u Burundi umuziki wumvikana hanze yaho akenshi uba wakozwe n’abahanzi 4; Big Fizzo, Kidumu, Sat-B na Natacha. Iyo witegereje neza abandi bahanzi ntibarenga umutaru. Gusa na none muri iyi minsi Big Fizzo ari kumvikana gacye cyane ugereranije n’umuvuduko yari ariho mu myaka yatambutse.

♪ R.I.P HIS EXCELLENCE Pierre NKURUNZIZA — Natacha

Natacha ni umuhanzikazi w’Umurundi ugerageza kwagura muzika yaho agakorana n’abahazi bakomeye barimo, Fally Ipupa, Sheebah Karungi n’abandi  batandukanye. Ni umuhanzikazi kandi Nyakwigendera Pierre Nkurunziza wabaye Perezida w'u Burundi, yahaye igihembo nk’umuhanzi w’ikitegererezo ubwo yamuhaga Miliyoni n’igice y’Amarundi.

Natacha received in audience by Burundi Head of State, Peter Nkurunziza -  RegionWeek

Mu minsi yashize uyu muhanzikazi yanyarukiye ku rukuta rwe rwa Instagram yerekana ifoto ari ku kibuga cy’Indege agaragaza ko agiye mu gihugu cya Kenya. Amagambo yayiherekeje yemezaga impamvu Burundi idatera imbere ari uko nta bandi bahanzi bashoboye umuziki nkawe.

Natacha yagize ati: “Iyaba twari dufite ba Natacha nka 10 mu gihugu cyacu b’abaririmbyi. Nta gihugu cyajya imbere yacu mu muziki.” Abamukurikira berekanye ko ibyo avuga ari ukuri ko haba hakenewe abandi bakora muzika bameze nkawe bagerageza kwagura muzika n'ubwo abandi bamushinja kudakora.

Umwe yagize ati : "Naho mwari kuba 3 igihugu cyagera kure ariko nibyo ukora turabishima tera imbere”. Undi nawe yungamo ati: “Mu gihugu cyacu dufite Natasha umwe w'umuririmvyi ariko yarazimye sinzi iyo abarizwa”.  







TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND