RFL
Kigali

Lewis Hamilton ntazitabira Grand Prix y'i Bahrain nyuma yo kwandura COVID-19

Yanditswe na: SAFARI Garcon
Taliki:1/12/2020 17:28
0

Umwongereza uherutse kwegukana Shampiyona y’Isi muri Formula 1, Lewis Hamilton ntazitabira irushanwa rya Grand Prix Skahir riteganyijwe mu mpera z’iki cyumweru, nyuma yo gusangwamo Coronavirus.



Ikipe ya  Mercedes Hamilton akinira, yatangaje ko umukinnyi wabo yazindutse ameze neza ariko agaragaza ibimenyetso bya COVID-19, asuzumwe bwa kabiri basanga yaranduye Coronavirus, ahita yishyira mu kato.

Kwandura Coronavirus, byatumye Hamilton atazitabira Grand Prix y'i Bahrain iteganyijwe ku cyumweru, tariki ya 06 Ukuboza 2020. Hamilton w'imyaka 35 y'amavuko yavuze ko ababajwe cyane no kuba atazakina isiganwa ryo ku cyumweru.

Yagize ati"Mbabajwe no kuba ntazakina isiganwa ryo mu mpera z'iki cyumweru, gusa icy'ingenzi ni ugukurikiza amabwiriza, kumva inama no kurinda abandi. Mu byukuri ndi umunyamahirwe, kubera ko uretse kugaragaza ibimenyetso, numvaga meze neza, ndabasabye mwirinde kandi cyane".

 Hamilton yabaye umukinnyi wa gatatu wo muri F1 wanduye Coronavirus muri uyu mwaka w’imikino nyuma ya Sergio Perez na Lance Stroll. Mercedes yavuze ko umusimbura wa Lewis Hamilton muri Grand Prix ya Sakhir izaba mu mpera z’icyumweru, azatangazwa vuba.

Lewis Hamilton ntazitabira Grand Prix y'i Bahrain kubera COVID-19

Hamilton aheruka kwegukana shampiyona y'Isi muri Formula 1





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND