Kigali

Ubushakashatsi: Impamvu abagore bakunda abagabo bakuze

Yanditswe na: Liliane Kaliza
Taliki:24/11/2020 15:46
0


Ukurikije ubushakashatsi bwakozwe n’abahanga batandukanye, akenshi usanga abagore bashaka abagabo bakuze, ku bw'impamvu turi bumenye mu kanya gato.



Dukunze kubona abagabo badukikije bashaka kubana n'abagore bakiri bato, ariko nanone, ubushakashatsi butandukanye bwerekana ko abagore basa n'abashaka kubana n'abagabo bakuze, ese ni ukubera iki?.

Marie Bergström, umushakashatsi mu kigo cy’igihugu gishinzwe ubushakashatsi ku mibare y’abashakanye, INED, yibanze ku bushakashatsi bwe ku bashakanye. Ibyavuye mu bushakashatsi bwe byashoboye kwerekana ko "abakobwa bakiri bato basaba cyane kubana n’abagabo bakuze, gusa nanone haracyari ikibazo cy’ikinyuranyo mu myaka aho abagore bashaka abagabo bakuze baba barabaye urw’amenyo.

Ngizi impamvu rero zituma abagore bakunda abagabo bakuze:

Baba bafite ubunararibonye: Abagabo bakuze baba ari inararibonye kandi bafite umuco kurusha bagenzi babo bakiri bato. Uburambe bw’ubuzima, bwaba ubw'umuntu cyangwa umwuga, butanga imiyoborere myiza y’imibanire n’abandi no gusobanukirwa neza n’umukunzi. Ku mugore, guhitamo umugabo ukuze kandi w'inararibonye bisobanura ko aba yungutse umujyanama mwiza, aba azi icyo ashaka, ndetse azi kubaka urugo icyo ari cyo, Umugabo ukuze aba azi uwo ari we, aho agiye n’icyo ashaka, bene uyu ntabwo ajarajara cyangwa se ngo agire imico mibi usanga mu bakiri bato.

Baba bazi inshingano zabo: Abagabo bakuze baba bazi neza inshingano zabo ku bijyanye n’ubukungu, baba bihagije, aha ntabwo mvuze ko abagore bakunda amafaranga kuko na bo ubwabo batanga umusanzu wabo kugira ngo urugo rutere imbere ahubwo baba bashaka aho baturiza.

Baba bazi gutega amatwi bagenzi babo: Bavuga ko uko imyaka igenda ishira ni nako abantu bakuze bakuza kwihangana kwabo no gutega amatwi bagenzi babo, umugabo ukuze rero akenshi aba yumva neza kandi agafata umwanya wo kumenya no kuvumbura mugenzi we, kandi ku bw’ibyo, amutega amatwi cyane kandi ibyo biri mu byo abagore bakunda.

Src: Psychology.net 

 

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND