Safi Madiba yatangaje ko yanduye COVID-19

Kuri uyu wa Gatandatu ni bwo Safi Madiba yatangarije abakunzi be ko yamaze kwandura icyorezo cya COVID-19 anaboneraho kubasaba gukaza ingamba zo kucyirinda. Mu butumwa bwe yagize ati:”Iki cyorezo cyiriho! Ni ukwitonda.”

Safi ubu ari kubarizwa mu gihugu cya Canada yashyize ubutumwa ku rukuta rwe rwa Instagram bugaragaza ibisubizo byo kwa muganga bigaragaza ko yanduye COVID-19 ndetse bamusaba guhita yishyira mu kato ako kanya, no kugaragaza abo yahuye nabo.

Safi Madiba ari kubarizwa muri Canada

Uyu muhanzi aherutse gushyira hanze indirimbo ye nshya yise Sound. Iki gihugu cya Canada Safi Madiba amaze igihe abarizwamo ni kimwe mu bihugu byibasiwe n’icyorezo cya COVID-19 nk'uko imibare ibigaragaza hamaze kwandura abantu 255, 809, abapfuye ni 10,436 naho abakirwaye ni 34,136.

Nyuma y’ubu butumwa abakunzi be ku rukuta rwe Instagram bamwifurije gukira vuba. 

Safi Madiba yatangaje ko yanduye Coronavirus