Umukinnyi w'icyamamare mu mupira w'amaguru usanzwe ukinira ikipe ya Juventus yo mu gihugu cy'u Butaliyani hamwe n'ikipe y'igihugu ya Portugal, kuri ubu nawe bamusanzemo icyorezo cya Coronavirus. Agaragaweho iki cyorezo nyuma y'ibindi by'amamare birimo Paul Pogba, Sadio Mane hamwe n'abandi batandukanye.
Nk'uko ikinyamakuru Mirror Football dukesha iyi nkuru kibitangaza, kivuga y'uko bakimara kumupima bakamusangana iki cyorezo yahise ashyirwa mu kato ka wenyine kugira ngo akomeze kwitabwaho. Ibi bikaba byatumye abakinnyi bose bapimwa, gusa ku bw'amahirwe bose babasanze ari bazima uretse Ronaldo. Cristiano Ronaldo kugeza ubu nta bimenyetso yari yatangira kwerekana by'iki cyorezo n'ubwo ibipimo byagaragaje ko agifite.
Federation y'umupira w'amaguru muri Portugal yatangaje ko Cristiano atazagaragara mu mukino uzahuza ikipe ya Portugal na Sweeden mu irushanwa rya Uefa Nations League.
Eng
RSS 
TANGA IGITECYEREZO