RFL
Kigali

Premier League: Ese kutagaragara kw'Abafana ku bibuga biri mu bituma ibitego biri kurumbuka?

Yanditswe na: SAFARI Garcon
Taliki:7/10/2020 15:51
0


Mu mikino 38 imaze gukinwa imaze gukinwa muri uyu mwaka w'imikino hamaze gutsindwa ibitego 144, bikaba bihabanye cyane n'imibare y'umwaka w'imikino ushize kuko 2019/20 mu mikino 38 ya mbere hari hamaze gutsindwa ibitego 104 gusa, hakaba hakomeje kwibazwa impamvu ibitego bikomeje kurumbuka ku bibuga.



Iyo ukoze ijanisha usanga byibura kuri buri mukino muri Premier League 2020/21 hatsindwa ibitego 3.79, kikaba ari ikigereranyo kiri hejuru cyane cyaherukaga kubaho muri shampiyona mu myaka 90 ishize.

Imikino 11 mu mikino 38 imaze gukinwa muri uyu mwaka, habonetsemo ibitego biri hejuru ya 5. Ibi bikaba byaherukaga kubaho mu myaka 60 ishize.

Mu mukino wabaye ku Cyumweru tariki ya 04 Ukwakira 2020, Liverpool yandagazwa na Aston Villa ubwo yayitsindaga ibitego 7-2, nibwo bwa mbere bari bibaye mu myaka 67 yari ishize, ko ikipe ifite igikobe cya shampiyona cy'umwaka ushize itsindwa akavagari k'ibitego bingana gutyo.

ikimaze kugaragara mu mikino 38 imaze gukinwa mri uyu mwaka muri Premier League, ni uko ikipe ishobora kwinjizwa ibitego 3 ariko igatsinda umukino.

Nyuma y'imikino 38 imaze gukinwa muri iyi shampiyona ikunzwe kurusha izindi ku Isi, buri wese aribaza niba kutagaragara kw'abafana ku bibuga ataribyo biri gutuma  ibitego birumbuka.

Bijya gutangira abantu bibajije byinshi ku buryo amakipe yatsindwaga muri Shampiyona y’u Budage kandi ari mu rugo nyuma yuko imikino ifunguwe.

Amakipe ari iwayo, Abakinnyi bari ku bibuga byabo ntabwo  bagifite za ngufu zibashyigikira ziturutse mu bafana ndetse bakina nta gitutu mu gihe ibi biha izindi mbaraga ikipe bahanganye, igakina yisanzuye, nta gihunga ikiniraho.

Dave Bassett watoje amakipe atandukanye mu Bwongereza, avuga ko “Nta kuntu Manchester United yari gutsindwa ibitego bitandatu mu rugo ku Cyumweru mu gihe kuri Old Trafford hari kuba hari abafana ibihumbi 75” cyangwa ngo “Liverpool itsindwe ibitego birindwi na Aston Villa iyo Villa Park iba yuzuye”.

“Penaliti zose zirinjira. Abakinnyi ntibajya bahusha penaliti mu myitozo, ubu baratuje kuko nta gitutu cy’abafana kibariho. Nabyo wabivuga ku basifuzi, biroroshye guha ikarita itukura Martial, Lamela ukamwihorera kuko muri Stretford End (igice cya Stade ya Old Trafford) nta muntu uhari. Turi kureba umukino utandukanye kubera ko nta bafana”.

Kunanirwa k’umubiri no mu mutwe ku bakinnyi nabyo bishobora gutuma bataguma mu mukino uko bikwiye kuko nta bafana bo kubashigikira no kubatera imbaraga bafite.


Imikino imaze kugaragarao ibitego byinshi muri uyu mwaka w'imikino muri Premier League

Aston Villa yanyagiye Liverpool 7-2

Tottenham yanyagiye Manchester United 6-1

Manchester City yatsinzwe na Leicester City ku kibuga cyabo 5-2





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND