RFL
Kigali

Umuyobozi Mukuru wa OMS yatangaje ko urukingo rwa COVID-19 rushobora kuboneka mu mpera z’uyu mwaka

Yanditswe na: Soter Dusabimana
Taliki:7/10/2020 15:34
0

Urukingo rwa COVID-19 rushobora kuboneka mu mpera z’uyu mwaka 2020 nk'uko byatangajwe n’Umuyobozi Mukuru w’Ishami ry’Umuryango w’Abibumbye rishinzwe ubuzima ku isi (OMS) kuwa Kabiri w’iki cyumweru.



Umuyobozi mukuru wa OMS Bwana Tedros Adhanom Ghebreyesus kuwa Kabiri w’iki cyumweru yatangaje ko urukingo rwa COVID-19 rushobora kuboneka mu mpera z’uyu mwaka, ndetse asaba abayobozi kuzagira umuhate n’ubufatanye mu gusaranganya inkingo mu gihe zizabonekera. Yagize ati:”Twese turakeneranye, dukeneye ubufatanye ndetse no gukoresha imbaraga zacu zose mu kurwanya iyi virusi.”

Ubyo yavugaga imyanzuro yafatiwe mu nama y’abagize akanama ka OMS Bwana Tedros yagize ati: ”Tuzakenera inkingo kandi hari icyizere ko mu mpera z’uyu mwaka dushobora kuba tuzaba twarabonye urukingo”.

Magingo aya hari inkingo zigera ku icyenda ziri mu igeragezwa mu kigo cya OMS (COVAX) gishinzwe kwihutisha ikorwa ry’urukingo rwa COVID-19 ndetse no gusaranganya inkingo mu bihugu bitandukanye ku isi, mu gihe urukingo ruzaboneka. Icyi kigo intego yacyo ni uko hazatangwa inkingo zigera kuri miliyari 2 mu mpera z’umwaka utaha wa 2021.

Muri iyi nama y’iminsi ibiri yashakaga igisubizo cy’icyorezo cya COVID-19 cyugarije isi, ibihugu nk’Ubudage, Ubwongereza na Australia byasabwe kugira icyo byakora mu gufasha OMS mu bikorwa byabo.

Perezida wa leta zunze ubumwe za Amerika Donald Trump yakunze gushinja OMS gukorana n’Ubushinwa ndetse ko ntacyo OMS yigeze ikora mu kwaka ibisobanuro Ubushinwa ubwo iki cyorezo cyakwirakwiraga mu mujyi wa Wuhan umwaka ushize. Bwana Tedros yahakanye ibi maze avuga ko OMS yatangaga amakuru kuri iki cyorezo.

Src: Reuters






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND