RFL
Kigali

Namibia: Abanyeshuri barenga 300 banduye Coronavirus kuva amashuri yakongera gufungurwa

Yanditswe na: Niyibizi Honoré Déogratias
Taliki:2/10/2020 11:26
0


Kuva icyorezo cya Coronavirus cyatangira gukwira kwira ku isi hose, ibi byatumye amashuri mu bihugu byinshi afungwa. Igihugu cya Namibia ni kimwe mu byari byafunze amashuri gusa baje kuyafungura, kuva bayafungura Abanyeshuri barenga 300 bamaze kwandura coronavirus nkuko minisiteri y’ubuzima muri icyo gihugu ibitangaza.



Minisiteri y'ubuzima yaho yatangaje ko abenshi mu banduye ari abiga baba ku mashuri.Minisitiri w'ubuzima Kalumbi Shangula yavuze ko amabwiriza yo kwirinda agomba kubahirizwa kugira ngo bahagarike ikwirakwira ry'iyi virus ahantu hegeranye nko ku mashuri.

Ibinyamakuru byaho bivuga ko iki cyorezo cyibasiye ishuri rimwe mu gace kitwa Oshikoto ahabonetse umubare munini w'abanyeshuri banduye.Namibia yafunze amashuri mu kwezi kwa gatatu kubera iki cyorezo, iyafungura mu kwezi kwa gatandatu, ubwo abayobozi bavugaga ko abantu batakiri kwanduzanya imbere mu gihugu.

Abarimu bose n'abanyeshuri bari bategetswe kwambara udupfukamunwa buri gihe mu kwirinda iyi virusi. Abakuriye amashuri nabo bari basabwe gutegeka isuku ishoboka mu mashuri.Namibia kugeza ubu imaze gutangaza abantu 11,373 banduye Coronavirus na 123 yishe.

Src:bbc






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND