RFL
Kigali

Imyitozo n'ibindi bikorwa bya Siporo byasubukuwe

Yanditswe na: SAFARI Garcon
Taliki:28/09/2020 15:24
0

Nyuma y'amezi atandatu ibikorwa by'imikino bihagaritswe kubera icyorezo cya Coronavirus, byamaze gusubukurwa ariko hubahirizwa amabwiriza yo kwirinda ikwirakwira ry'iki cyorezo.



Muri Werurwe 2020, nyuma y'uko mu Rwanda hagaragaye umuntu wa mbere wanduye Coronavirus, ibikorwa byose by'imikino byahise bihagarikwa mu kwirinda iki cyorezo.

Mu itangazo rya Minisiteri ya Siporo yasohoye kuri uyu wa Mbere tariki 28 Nzeri 2020, rigaragaza ko guhera kuri iyi tariki ibikorwa bya Siporo n'imyitozo byafunguwe ariko bakabanza kubisabira uburenganzira mbere yo gusubukura.

Yagize iti "Tunejejwe no kubandikira tubamenyesha ko nyuma yo gusuzuma ingamba mwatugejejeho zizakurikizwa mu gihe cy'isubukurwa ry'imikino mu myitozo ndetse no mu marushanwa, hashingiwe ku ngamba zo kwirinda icyorezo cya COVID-19, ibikorwa bya Siporo byemerewe gusubukurwa guhera ku wa mbere tariki ya 28 Nzeli 2020".

"Ishyirahamwe ritegura ingengabihe y'amarushanwa n'imyitozo rirasabwa kubanza kubishyikiriza MINISPORTS ribisabira uburenganzira rikabanza kubuhabwa".

Iyi Minisiteri kandi iributsa ko ingamba za Leta zo kwirinda icyorezo cya COVID-19 zigomba kubahirizwa.

Biteganyijwe ko shampiyona y'umupira w'amaguru mu mwaka w'imikino wa 2020/21 izatangira mu Ukwakira nta gihindutse ndetse n'izindi shampiyona zirateganya gutangira umwaka w'imikino mushya mu gihe cya vuba.


Itangazo rya Minisiteri ya Siporo risubukura ibikorwa bya Siporo

Biteganyijwe ko Shampiyona y'umwaka w'imikino wa 2020/21 izatangira mu Ukwakira





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND