RFL
Kigali

Nyagatare: Kayiranga Innocent wagizwe umukire n'indirimbo 1 ya Gospel yibarutse umwana wa 5 atangaza ko ari we bucura bwe-AMAFOTO

Yanditswe na: Mupende Gedeon Ndayishimiye
Taliki:28/09/2020 14:00
1

Pastor Kayiranga Innocent umuhanzi mu muziki wa Gospel ukunzwe cyane mu Karere ka Nyagatare no mu bindi bice by'igihugu ukagera n'i Kampala muri Uganda, yibarutse umwana wa gatanu atangaza ko ari we bucura bwe nyuma yo kubyemeranya n'umugore we Nkwihoreze Grace.



Kayiranga Innocent na Nkwihoreze Grace bafite abana 5; abahungu 3 n'abakobwa 2. Umuhungu baherutse kwibaruka, bamwise Ntwari Gad Israel, akaba yaravutse kuwa 25/9/2020. Mu kiganiro na InyaRwanda.com, Kayiranga Innocent yadutangarije ko uyu muhungu baherutse kwibaruka ari we bucura. Ati "Turashima Imana yaduhaye umwana w'umuhungu, ni bucura ni uwa 5. Impamvu tumufungiyeho ni ko tubyifuza n'ubundi twari twiyemeje bane hanyuma uyu muhungu tubona araje tumwakira nk'umugisha uje mu buzima bwacu".


Pastor Kayiranga ateruye umuhungu we Ntwari Gad Israel

-Pastor Kayiranga yagizwe umukire n'indirimbo 1 ya Gospel imaze kumwinjiriza Miliyoni 20 Frw

Mu mwaka wa 2016, INYARWANDA twagiranye ikiganiro kihariye na Kayiranga Innocent umuhanzi akaba n'umupasitori mu Itorero Good Foundation, aduhishurira ko indirimbo ye 'Ngarutse imbere yawe' imaze kumugira umuherwe, icyo gihe ikaba yari imaze kumwinjiriza arenga Miliyoni 20 z'amanyarwanda yavuye mu bitaramo n'ubukwe yaririmbyemo. Yahamije ko ibyo yatangaje ari ukuri kuko abamuzi n'abazi iwe, baba abagabo bo kubihamya. Ibyo yatangaje byanyomoje abavuga ko 'umuziki wa Gospel utinjiza'.

Yaragize ati "Indirimbo ‘Ngarutse imbere yawe' urebye niyo yakunzwe cyane kurusha izindi. Nayanditse muri 2012, kugeza ubu maze gutumirwa mu bihugu nka Burundi, Tanzaniya na Uganda cyane cyane. Ayavuye mu bikorwa by’umuziki cyane mu ndirimbo ‘Ngarutse imbere yawe’, Miliyoni 20 zirahari usuye n’ibikorwa wabibona. Mfite imodoka yanjye bwite, inzu ya miliyoni 12, ubutaka bwa miliyoni 6 n’inka z’inzugu 4 imwe ikaba ikamwa litiro 10 ku munsi. Ndashima Imana yankoreye ibyo byose kandi ikaba ikomeje kunyiyereka".

UMVA HANO 'NGARUTSE IMBERE YAWE' YA PASTOR KAYIRANGA


Pastor Kayiranga Innocent umuhanzi ukunzwe bikomeye i Nyagatare


Umwana wa Gatanu wa Pastor Kayiranga na Nkwihoreze Grace


Imodoka n'inzu Pastor Kayiranga yasaruye mu ndirimbo ye imwe gusa 'Ngarutse imbere yawe'






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Manzi 1 month ago
    Nasubireyo nt mahwa


Inyarwanda Art Studio

Inyarwanda Art studio
Inyarwanda BACKGROUND