Abantu benshi bakunda kwibaza ibirango biranga za pharmacie (soma farumasi), amavuriro cyangwa ibindi bigo byita ku buzima. Inzoka cyangwa umusaraba ni bimwe mu birango bikunda kugaragara ku mafarumasi bikibazwaho na benshi, inkomoko n’ubusobanuro bwabyo.
Mu gushaka gusobanukirwa neza ibisobanuro by’ibi birango, inyarwanda.com yegereye inzobere mu by’imiti (Pharmacien) Phn N.Marcel Baudouin atuvira imuzingo ibisobanuro n’inkomoka yabyo.
Kimwe nk’izindi siyanse (sciences), ijambo Pharmacie
(soma farumasi) rikomoka mu rurimi rw’ikigereki rikaba risobanura “umuti”
ndetse rigasobanura nanone “Uburozi”,nkuko tubizi iyo umuti urenze urugero
uhinduka uburozi mu mubiri.
Pharmacie rero ihuriza hamwe Ibinyabuzima (Biologie),
Ubutabire (Chimie) ndetse n’ubuvuzi (Medecine). Ijambo Pharmacie rero rikaba
rikoreshwa mu buryo bubiri:
1.Ishami ryigisha ibijyanye no gutegura no gutanga
imiti ndetse n’imikorere yayo mu mubiri y’ibinyabuzima, baryita Pharmacie
2. Ahantu habikwa hanatangirwa imiti naho bahita
muri Pharmacie. Pharmacies zabayeho mu bihe bya mbere bazitaga Apothicaire (soma
apotikere).
Ahenshi ku isi uzasanga za Pharmacies kimwe
n’ibindi bigo byita ku buzima bigira ibimenyetso(logos) bigaragaramo ishusho y’inzoka,
ahandi uhasange ibimenyetso biriho umusaraba.Ibi bisobanura iki?byaba
byarakomotse hehe?Iki ni ikibazo kibazwa na buri wese.
Bimwe mu birango bya pharmacie dukunze kwibaza icyo
bisobanuye:
1.UMUSARABA W’IBARA RY’ICYATSI
Umusaraba ni ikimenyetso kuva mu binyejana byo
hambere cyakunze gukoreshwa kigararaza ubuzima, umukiro. Ni ikimenyetso dusanga
cyane cyane mu iyobokamana, ubu kikaba gikoreshwa no mu bigo bishinzwe
kubungabunga ubuzima bw’abatuye isi.
Mbere y’iri bara ry’umusaraba w’icyatsi habanje
gukoreshwa umusaraba utukura nyuma waje guhinduka ikimenyetso cya organization
izwi ku izina rya “croix rouge” ndetse nyuma y’amasezerano y’ i Geneve yo kuwa
4 Nyakanga 1939 hahita hashyirwaho itegeko ribuza ikoreshwa ny’umusaraba
utukura nk’ikimenyetso cya za pharmacies z’icyo gihe uhita usimburwa
n’umusaraba w’ibara ry’icyatsi kibisi. Wakwibaza uti ese ni ukubera iki
hahiswemo ibara ry’icyatsi kibisi ?
Bamwe bemeza ko iri bara ry’icyatsi kibisi rifite
aho rihurira n’imiti kuko n’ubundi imiti myinshi ituruka ku bimera (plantes
medecinales), abandi bakavuga ko iri bara rikomoka nubundi ku myambaro yari
ifite ikora ry’icyatsi kibisi yambarwaga n’abantu bakora muri za farumasi
(pharmaciens) igihe babaga batanga imiti ku rugamba kugirango batandukanywe
n’abaganga ndetse n’abasirikare.
2. IKIMENYETSO CY’INZOKA
KITWA CADUCEE
Iki kimenyetso kigizwe n’inzoka yizengurutsa ku
gikombe igahagarara icuritse umutwe wayo ureba mu gikombe.
Iki kimenyetso gikomoka ku
mwami w’umugereki witwa Escupale.
Igikombe gisobanura
Hygie (umukobwa wa Escupale ,akaba yari n’ikigirwamana cy’ubuzima) yaheragamo
icyo kunywa inzoka yo mu rusengero rwa Epidaure. Mu bagereki, Inzoka yafatwaga
nk’ikimenyetso cyo:
Gukiza (guerir)
Uburumbuke (Fecondite)
Ubuzima (Vie)
Bakababa barabishingiraga ko inzoka ari uko yinjira
mu butaka ikaba ariyo izi ibanga ry’ahantu ibimera (plantes medecinales)
bikomora kubyara imiti myinshi.
3. RX
Iki nacyo ni ikimenyetso uzasanga kuri pharmacies
zimwe na zimwe, ndetse no kuri Ordonance cyane cyane muri USA. Ordonance
bisobanura “mwakire mu izina ry’imana”
4. Umuhini n’isekuru (mortier
&pilon)
Umuhini n’isekuru ni ibikoresho bikoreshwa cyane mu
gukora cyangwa kuvanga imiti runaka. Iki kimenyetso nacyo gikoreshwa
nk’ikimenyetso cya Pharmacie.
5. Inyuguti ya A:
Iyi nyuguti ikomoka ku ijambo “Apotheke” ariyo
nyito ya Pharmacie mu bihe bya kera. Nayo ikaba igaragaza aho abarwayi bafatira
imiti mu bihugu bimwe na bimwe nko mu budage.
Si ibirango bya za Pharmacie uzasangamo ishusho
y’inzoka cyangwa iy’umusaraba gusa, hari n’amavuriro ndetse n’ibigo byita ku
buzima. Urugero: Ikirango cy’ishami ry’umuryango w’abibumbye ryita ku buzima OMS.
Iki kirango gikunda
kugaragara mu birango by’amavuriro cyangwa mu birango by’amashyirahamwe yita ku
buzima. Iki ni ikimeyetso cya SAMU: Service d’aide médicale urgent.
Inyarwanda
TANGA IGITECYEREZO