RFL
Kigali

Adar Poonawalla: Nta rukingo rwa Coronavirus ku Isi yose kugeza mu mwaka wa 2024

Yanditswe na: Uwera Ange
Taliki:15/09/2020 20:21
0

Adar Poonawalla, Umuyobozi Mukuru w’ikigo gikomeye gikora inkingo ku Isi, mu kiganiro yagiranye na Foxnews ku wa Mbere tariki 14 Nzeri 2020 yavuze ko Isi ishobora kuzategereza kugeza mu mpera za 2024 kugira ngo urukingo rwa Coronavirus rube rwabonetse.



Poonawalla, ukuriye ikigo cya SII (Syrum Institute of India) yatangarije ikinyamakuru Financial Times ko yumva ko Isi ishakisha icyizere mu kurwaya coronavirus, ariko amasosiyete akora imiti yo ntaho aragera hagaragara mu gukora urukingo rwa coronavirus nk'uko byagakwiye. Avuga ko ikigo ayobora cyiyemeje gukora miliyari z’inkingo, ariko avuga ko Isi yose ishobora gukenera miliyari 15 z’inkingo.

Amasosiyete akora imiti ku Isi hose ari gukoresha umutungo wose ndetse n’ubushobozi bwose bushoboka kugira ngo haboneke urukingo rwa coronavirus, icyorezo cyimaze guhitana abantu 920,000 ku Isi yose mu gihe abamaze kucyandura bagera hafi ku 30,000 hakaba hataraboneka urukingo.

Abashakashatsi bo mu ishuri rikuru ry’ubuvuzi rya Kaminuza ya Pittsburgh batangaje ko hari intambwe ishobora guterwa, bavuga ko bashoboye gutandukanya molecule ntoya y’ibinyabuzima yangiza burundu iyi virusi.

Poonawalla Umuyobozi Mukuru wa SII yatangarije ikinyamakuru Foxnews ko bizatwara kuva ku myaka ine kugeza ku myaka itanu kugira ngo buri wese ku Isi abashe kuba yabona urukingo rw’iki cyorezo cya coronavirus gihangayikishije Isi muri rusange.


Adar Poonawalla yatangaje ko bizafata imyaka 4 cyangwa 5 kugira ngo buri muturage wese ku isi abone urukingo rwa Covid-19






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND