RFL
Kigali

Icyiciro cya kabiri cy'impunzi z'Abarundi zo mu nkambi ya Mahama kirataha muri iki cyumweru

Yanditswe na: Niyibizi Honoré Déogratias
Taliki:8/09/2020 16:03
0


Mu kwezi gushize kwa Kanama ni bwo icyiciro cy'impunzi zo mu gihugu cy’u Burundi zari ziri mu nkambi ya Mahama mu Rwanda zasubiye mu gihugu cyazo. Ibi bikaba byarabaye nyuma y'uko hari impunzi zisabye ko zishaka gusubira iwabo. Kuri ubu hakaba hatahiwe icyiciro cya Kabiri cy’impunzi, aho biteganyijwe ko kizatahuka kuwa Kane tariki 10 z'uku kwez



Mu mpera z'ukwezi kwa karindwi, impunzi zigera kuri 300 zasinye ku ibaruwa zandikiye Perezida w'u Burundi zimusaba kuzifasha gutahuka. Kuzicyura byakurikiye amagambo ya Perezida Ndayishimiye washinje u Rwanda "gufata nk'ingwate impunzi z'Abarundi", ibyo Minisitiri w'Ububanyi n'Amahanga w'u Rwanda yahakanye avuga ko "atari rwo rufite impunzi nyinshi z'Abarundi mu karere".

Ubwo impunzi za mbere zacyurwaga, mu buryo budasanzwe, ku mupaka wa Nemba ku ruhande rw'u Rwanda hari umunyamabanga uhoraho muri Minisiteri y'ibikorwa by'ubutazi naho ku ruhande rw'u Burundi hari ba Minisitiri w'ubuzima n'uw'ubutegetsi bw'igihugu.

Nk'uko Elise Villechalane, umuvugizi wa UNHCR mu Rwanda yatangarije BBC dukesha iyi nkuru, mu cyiciro cya mbere hagiye abagera kuri 493 mu mpunzi "zirenga gato 1,800 ziyandikishije ko zishaka gutaha". Icyo gihe, UNHCR yavuze ko hatahuwe hafi 500 kuko ikigo cy'agateganyo kiri ku ruhande rw'u Burundi ari wo mubare kibasha kwakira.

Ni mu gihe Ministeri y'umutekano mu Burundi yabwiye BBC ko biteguye "kwakira impunzi zigera ku 1,200" icya rimwe kuko bateguye ibigo bibiri byabasha kubakira. Kuri ubu Madamu Villechalane yagize ati: "Birumvikana ko hari abashobora gutaba babyujuje ngo bagende, hari n'abashobora kwisubiraho ku munota wa nyuma ariko tugomba gucyura abagera kuri 500.

Izi mpunzi zikaba zigiye gutaha mu gihe ku wa Kane w'icyumweru gishize hongeye kuba inama yahuje intumwa z'ibihugu byombi na UNHCR ku gucyura icyiciro cya kabiri cy'impunzi, ari nayo yemeje itariki ya 10 z'uku kwezi. UNHCR ikaba itangaza ko Inkambi ya Mahama ibamo impunzi zirenga 60,000 z'Abarundi.

 Src:BBC






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND