RFL
Kigali

Namibia: Kaminuza iri gutoza imbwa guhunahuna ikerekana ahantu hari Covid-19

Yanditswe na: Eric Misigaro
Taliki:5/09/2020 14:11
0

Ishuri ryigisha ubuvuzi bw'amatungo rya kaminuza ya Namibia riri gutoza imbwa guhunahuna zikerekana ahantu hari coronavirus. Ibi biri gukorwa harangamiwe gucogoza iki cyorezo cyabazonze .



Uyu mushinga wo gutoza izi mbwa intego yawo ni ukohereza izi mbwa ku bibuga by'indege no ku mipaka nk'uko ikinyamakuru The Namibian dukesha iyi nkuru kivuga ko kibikesha Conrad Brain umuhanga mu by'ibyorezo wigisha muri iyi kaminuza.

Alma Raath, umwarimu mu buvuzi bw'amatungo, yongeraho ko izo mbwa bari gutoza zibereka ko ziri kubasha gutahura ahari coronavirus ku kigero cya 95%.

Ese iki gikorwa kimaze igihe kingana gute gitangijwe?


        Zimwe mu mbwa ziri gutozwa 

Uyu mushinga watangiye mu mezi abiri ashize nk'uko icyo kinyamakuru kibivuga, gusa ntiharatangazwa igihe izo mbwa zizatangira akazi. Imbwa zatojwe zisanzwe zifasha abashinzwe umutekano kwerekana ahari ibintu runaka (zatojwe guhunahuna) bitagaragarira amaso.

Ikinyamakuru The Namibian kivuga ko iki gihugu ari cyo cya mbere muri Afurika kigiye gutangira gukoresha imbwa mu gutahura Covid-19. Mu kwezi kwa gatanu, mu Bwongereza hatangiye ubushakashatsi bwo gukoresha imbwa mu gutahura abantu bafite coronavirus. Zimwe muri izo mbwa zari zisanzwe zaratojwe gutahura abantu barwaye ubwoko bumwe bwa kanseri, Malaria n'izindi zikoresheje guhunahuna gusa.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND