RFL
Kigali

Venezuela: Perezida Nicolás arasaba abakoranabushake kuboneka bakageragerezwaho urukingo rwa Covid-19 rw’Abarusiya

Yanditswe na: David Mayira
Taliki:2/09/2020 8:48
0

Nyuma y’inkuru zavuzwe ko Isi yaba igiye gutekana kurushaho nyuma y’urukingo rwatangajwe n’Abarusiya ku mugaragaro, ariko bikaza gukemangwa ko uru rukingo rutahashya Covid-19, ubu Perezida Nicolás Maduro wa Venezuela yatangaje ko agiye gusaba abakorerabushake kuboneka bakageragerezwaho urukingo rwa Covid-19 rwakozwe n'Uburusiya.



Tariki 11 z'uku kwezi kwa munani, Uburusiya ni cyo gihugu cya mbere cyatangaje ko cyageze ku rukingo rwa coronavirus, gusa inzobere zikemanga ko rwaba rutarakorewe igerageza rikwiriye. 

Guverinoma ya Venezuela, ikunze guhabwa inkunga n'inguzanyo n'Uburusiya, ivuga ko yifuza kugira uruhare mu igeragezwa ry'urwo rukingo. Ku cyumweru, Bwana Maduro yagize ati: "Mu minsi iri imbere, turaza gusaba abakorerabushake ko baza bagakingirwa."

Abahanga muri siyansi mu Burusiya bavuga ko amagerageza y'ibanze y'urukingo yasanze rukora nubwo kwemeza urukingo ku isi bibaho nyuma y'igerageza rikorwa ku bantu ibihumbi. Uretse Uburusiya, leta ya Venezuela yanamaze kwemera ko yiteguye gufasha mu kugerageza urukingo rw'Ubushinwa hamwe n'urukingo rwa Cuba, inkingo zose z'iki cyorezo.

Nyuma y'uko Uburusiya bwemeje ko bwabonye urukingo rwa Covid-19, bakarwita Sputnik V, Bwana Maduro yashimiye Uburusiya iyo ntambwe. Tariki 16 z'uku kwezi kwa munani yagize ati: "Uwa mbere uzakingirwa ni njyewe. Ngiye gufata urwo rukingo, ngiye gutanga urugero."

Gusa mu ijambo rye ku cyumweru, ntabwo yavuze niba ari mu bakorerabushake ba mbere bazageragerezwaho uru rukingo muri Venezuela. Iki gihugu kimaze gutangaza abantu barenga 46,000 banduye coronavirus n'abarenga 380 imaze kwica, imibare iri hasi ugereranyije n'ibihugu by'akarere kirimo.

Src: BBC

 





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND